Fjalori

Rezultate në përkufizime për “pragmatizëm”

Mëso si ta përdorësh
<<< Kthehu te kërkimi kryesor në fjalor

BATËRDISËS

BATËRDÍSËS,~E mb. Që batërdis, që prish e shkatërron, që sjell dëme të mëdha. Mot batërdisës. Sëmundje batërdisëse. Pragmatizëm batërdisës.

PRAGAMATIKISHT

PRAGAMATIKÍSHT ndajf. Në mënyrë pragmatike, me pragmatizëm. Përheqin vëmendjen pragmatikisht e shkencërisht.

PRAGMATIK

PRAGMATÍK,~E mb. Që lidhet me pragmatizmin, i pragmatizmit; që mbështetet në pragmatizëm, pragmatist. Pikëpamje pragmatike. Qëndrim pragmatik. Shkollë pragmatike (filoz.).

PRAGMATIST

PRAGMATÍST,~E mb. Që mohon të vërtetën objektive, që pranon si kriter të së vërtetës vetëm atë që është e dobishme për borgjezët e revizionistët e që u sjell këtyre përfitim; që i përket pragmatizmit, i pragmatizmit; që mbështetet në pragmatizëm; prej pragmatisti. Filozofi pragmatiste. Qëndrim pragmatist. Njeri pragmatist.

PRAGMATIZËM

PRAGMATÍZ/ËM,~MI m. 1. filoz. Rrymë që pranon si kriter të së vërtetës vetëm atë që është e dobishme e u sjell përfitime të çastit. Përfaqësuesit e pragmatizmit. Lufta kundër pragmatizmit. Kanë rënë në pragmatizëm.
2. libr. Qëndrim joparimor, që niset nga nevojat, interesat e përfitimet e çastit.

SENTIMENTALIZËM

SENTIMENTALÍZ/ËM,~MI m. 1. Vetia e njeriut sentimental, të qenët sentimental; qëndrim tepër zemërbutë, që niset nga ndjenjat dhe jo nga vlerësimi objektiv i realitetit. Vuan nga sentimentalizmi. Veprojnë pa sentimentalizëm. Gjykime bazuar në sentimentalizëm. Shkon deri në sentimentalizëm. S'ka sentimentalizëm këtu! Duke kaluar nga sentimentalizmi në pragmatizëm.
2. let. Drejtim letrar i gjysmës së dytë të shekullit XVIII, që e përqendronte tepër vëmendjen te pasqyrimi i jetës së brendshme, i ndjenjave të njeriut dhe i natyrës, duke i paraqitur gjërat në mënyrë të idealizuar. Dukuria e sentimentalizmit në prozën shqipe.
3. sh. ~MA, ~MAT bised. Shprehje ose shfaqje e qëndrimit prej sentimentali. Lëri sentimentalizmat! Nuk i duronte sentimentalizmat.

UTILITARIZËM

UTILITARÍZ/ËM,~MI m. Rrymë filozofike e morale, sipas së cilës sjellja e veprimet e njerëzve udhëhiqen nga dobia praktike; pikëpamje a qëndrim që niset vetëm nga leverdia e çastit, prakticizëm i ngushtë, pragmatizëm, prakticizëm. Ra në utilitarizëm.
✱Sin.: pragmatizëm, prakticizëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë