Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
►BALTÓS/EM jovep., ~A (u), ~UR 1. vetv. Përlyhem a fëlliqem me baltë, bëhem me baltë; përbaltem. U baltosën keq. - Shiko si është baltosur. U baltos dynjaja nga shiu.
2. vetv., vet. v. III Bëhet baltë kur njomet e ngjishet me këmbë (për dheun). U baltos vendi (toka). Dheu baltosej shpejt.
3. keq., vetv. Fyhem, poshtërohem, njollosem. U baltosëm pa asnjë shkak. U baltosën vlerat e mrekullueshme të njerëzve të ndershëm.
4. pës. e BALTÓS.
✱Sin.: përbaltem, përlyhem, fëlliqem, lerosem, përlloçem, llucërohem, llomitem.
►DEKS/ÓHEM jovep., ~ÓVA (u), ~ÚAR vetv. 1. Poshtërohem; ndjehem i poshtëruar; s'e dua veten nga turpi i poshtërimit. Nuk është burrëri të deksosh dikë.
2. vet. v. III Gangrenizohen (indet e gjalla).
POSHTËRÍM,~I m. sh. ~E, ~ET 1. Veprimi kur poshtëroj e kur poshtërohem. Poshtërimi i njeriut. Me qëllim poshtërimi.
2. Gjendja kur poshtëroj ose kur poshtërohem. E çoi në poshtërim.
3. Diçka që ul nderin a emrin e mirë të njeriut, veprim i pandershëm e i ulët, poshtërsi. Bëri një poshtërim. Nuk i duron poshtërimet.
✱Sin.: ulje, përulje, turpërim, fyerje, zhburrnim, dhunim, shkarëzim, përbythje, poshtërsi, damkosje, sharje, telendi, telendisje.
►PËRDHÓS/EM jovep., ~A (u), ~UR 1. vetv. Humbas vetitë e mira, virtytet morale, prishem, zvetënohem; bastardohem.
2. pës. e PËRDHÓS.
✱Sin.: ndotem, përlyhem, fëlliqem, njollosem, ndyhem, zvetënohem, prishem, përçudnohem, vdirrem, zhgërryhem, turpërohem, degjenerohem, shthurem, poshtërohem, shëmtohem, bastardohem.
►PËRÚL/EM jovep., ~A (u), ~UR 1. vetv. Ul veten; poshtëroj veten. S’donte të përulej para të tjerëve.
2. vetv. Nënshtrohem, gjunjëzohem; thyhem, përkulem. Mos u përul nga vështirësitë e jetës!.
3. vetv. Ul kokën në shenjë nderimi para dikujt a diçkaje; e nderoj thellë. Përulemi para kujtimit të të rënëve për pavarësim.
4. pës. e PËRÚL.
✱Sin.: ulem, poshtërohem, mposhtem, përkulem, nënshtrohem, gjunjëzohem, kërrusem, dorëzohem, jepem, falem, lëvarem, thyhem.
►TELENDÍS/EM jovep., ~A (u), ~UR bised. 1. vetv. Turpërohem, më nxihet faqja, poshtërohem në sy të botës. U telendis keq. Hap sytë e mbaj vesh se telendisesh.
2. pës. e TELENDÍS.
✱Sin.: turpërohem, poshtërohem, përflitem, përgojohem, shahem.
►VËRZHG/ÓHEM jovep., ~ÓVA (u), ~ÚAR 1. vetv. Më çirret lëkura me diçka të mprehtë në majë, më bëhet gërvishtje e madhe; më nxihet lëkura nga një goditje e fortë, më vrugohet. U vërzhgua në fytyrë. Iu vërzhgua lëkura.
2. fig., vetv. Turpërohem, bëhem me turp; më nxihet fytyra. U vërzhgua keq. Iu vërzhgua fytyra (faqja).
3. pës. e VËRZHGÓJ.
✱Sin.: vrugohem, vreditem, çirrem, gërvishtem, grithem, gërricem, rripem, dërrmishem, gërdhucem, marrohem, turpërohem, poshtërohem, koritem.
►ZHBURRËR/ÓHEM jovep., ~ÓVA (u), ~ÚAR 1. vetv. Më dobësohet fuqia, guximi e trimëria, humbas vetitë e mira e të larta të burrit, më bie burrëria; kund. burrërohem. Nuk u zhburrëru asnjëherë, bir!
2. vetv. Humbas nderin, turpërohem, poshtërohem (për një burrë). Nuk zhburrërohet burri në këtë moshë.
3. pës. e ZHBURRËRÓJ.
✱Sin.: çnderohem, poshtërohem, turpërohem.
►ÇNDER/ÓHEM jovep., ~ÓVA (u), ~ÚAR 1. vetv. Humbas nderin a emrin e mirë, më njolloset nderi, turpërohem a poshtërohem; kund. nderohem. Mos lejo të çnderohet trashëgimi yt. Nuk do të çnderoheni deri në shekuj të shekujve.
2. pës. e ÇNDERÓJ. Mos i çnderohet vajzëria e vet.
✱ Sin.: njollosem, turpërohem, poshtërohem, përdhunohem.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë