Fjalori

Rezultate në përkufizime për “posathemeluar”

Mëso si ta përdorësh
<<< Kthehu te kërkimi kryesor në fjalor

PORSAFORMUAR

PORSAFORMÚAR (i, e) mb. 1. Që porsa ka marrë formën e vet, që porsa është formuar; që porsa ka arritur zhvillimin e duhur. Trup i porsaformuar. Boçe të porsaformuara. Gjuhë letrare e porsaformuar.
2. Që porsa është themeluar, që porsa është krijuar a është organizuar. Shtet i porsaformuar. Ekip i porsaformuar.
✱Sin.: i sapoformuar, i posaformuar, i sapokrijuar, i porsakrijuar, i posakrijuar, i sapothemeluar, i porsathemeluar, i posathemeluar, i sapoorganizuar, i posaorganizuar, i porsaorganizuar.

PORSALINDUR

PORSALÍNDUR (i, e) mb. 1. Që porsa ka lindur; që ka lindur pak kohë më parë (për fëmijët, për qengjat etj.). Fëmijë i porsalindur.
2. Që porsa është krijuar ose porsa është themeluar. Fasoneri e porsalindur.
✱Sin.: i sapolindur, i posalindur, i sapopjellë, i porsapjellë, i posapjellë, i sapothemeluar, i porsathemeluar, i posathemeluar.

PORSATHEMELUAR

PORSATHEMELÚAR (i, e) mb. Që porsa është themeluar; që është themeluar pak kohë më parë. Universitet (kolegj, institut) i porsathemeluar.
✱Sin.: i posathemeluar, i sapothemeluar, i porsaformuar, i posaformuar, i sapoformuar, i porsangritur, i posangritur, i sapongritur.

POSATHEMELUAR

POSATHEMELÚAR (i, e) mb. I sapothemeluar, i porsathemeluar. Parti e posathemeluar. Shoqatë e posathemeluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë