Fjalori

Rezultate në përkufizime për “pompohet”

Mëso si ta përdorësh
<<< Kthehu te kërkimi kryesor në fjalor

OKSIGJENUAR

OKSIGJENÚAR (i, e) mb. Që ka në përbërjen e vet një sasi të rritur a të përqendruar të atomeve të oksigjenit; që është zbardhur ose është zverdhur me bashkime të tilla kimike, të cilat e kanë të rritur numrin e atomeve të oksigjenit. Bashkimet e oksigjenuara. Ujë i oksigjenuar (kim.) ujë që ka në përbërjen e vet një atom oksigjen më shumë se uji i zakonshëm. Flokë të oksigjenuar. Gjaku i oksigjenuar pompohet në anën e majtë të zemrës.

POMPIM

POMPÍM,~I m. Veprimi kur pompoj ose kur pompohet diçka. Pompimi i naftës (i gazit). Pompimi i ajrit (i ujit). Pompimi i benzinës (i naftës, i gazit të lëngshëm) në pikën e furnizimit me karburant. Stacion pompimi.
✱Sin.: nxjerrje, thithje, spërkatje, nxitje, shtytje.

POMPUES

POMPÚES,~E mb. 1. Që pompon një lëng apo gaz. Stacion pompues. Aparat pompues. Aktiviteti pompues i zemrës. Ngritja (rritja) e kapacitetit pompues.
2. Që pompohet (për një lëng apo gaz).

POMPUESHËM

POMPÚESH/ËM (i), ~ME (e) mb. Që mund të pompohet. Gaz i pompueshëm. Naftë e pompueshme. Lëngje të pompueshme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë