Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AGRESIÓN,~I m. sh. ~E, ~ET polik., usht. 1. Sulm i armatosur i një shteti kundër sovranitetit dhe integritetit të një shteti tjetër me qëllim pushtimi të tokave e për ta nënshtruar e shtypur; luftë e ashpër që bën një shtet për të depërtuar me mënyra e mjete të ndryshme në një shtet tjetër me qëllim dëmtimi nga ana territoriale, ekonomike, politike, ideologjike e kulturore. Agresion ushtarak. Agresion ajror. Agresion tokësor. Agresion detar. Agresion i hapur. Agresion shkatërrues. Agresion ekonomik (kulturor). Agresion kibernetik. Akt agresioni. Kryejnë (bëjnë, ndërmarrin) agresione. Nënshtrim nga agresioni. Përballje me agresionin. Pasojat e agresionit.
2. psikol. Sjellje ose qëndrim armiqësor, sulmues a i dhunshëm ndaj dikujt; sjellje e shoqëruar me emocione negative, si pakënaqësi, zemërim, mllef, pezëm etj. Shenjat (gjurmët) e agresionit. Agresion emocional.
✱Sin.: sulm, goditje.
SUSÁK,~U m. sh. ~Ë, ~ËT 1. bot. (lat. Lagenaria vulgaris) Kungull i egër që ngjitet nëpër gardhe e bën kokrra të mëdha gjatoshe me një pjesë të fryrë; kungull ujës. Kishte mbledhur disa susakë.
2. Enë për të marrë ujë, e bërë nga kungulli ujës, duke e tharë e duke e gërryer këtë nga brenda. Mbushi susakun me ujë.
✱Sin.: kungullujës, kungullak, kungullishtë, gërreç, poç, gërreç, porcek, polik, barkoshe, faqore, shishe, kungulleshkë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë