Fjalori

Rezultate në përkufizime për “podium”

Mëso si ta përdorësh
<<< Kthehu te kërkimi kryesor në fjalor

DËRRASIM

DËRRASÍM,~I m. sh. ~E, ~ET 1. Veprimi kur dërrasoj diçka; shtrim me dërrasa. Dërrasimi i dhomës.
2. Vend i ngritur me dërrasa për folësin; podium.

ESTRADË

ESTRÁD/Ë,~A f. sh. ~A, ~AT 1. Gjini e vogël e artit skenik me skeçe, parodi, këngë; shfaqje argëtuese me këto pjesë. Teatri i estradës. Shfaqje estrade. Numër estrade. Aktor (këngëtar) estrade. Personazhi komik më i përhapur në estrada.
2. Trupa që merret me këtë lloj arti. Estradë profesioniste (amatore). Salla e estradës. Punoj në estradë.
3. fig. Ndodhi a dukuri që shkakton të qeshura. Fantazi estradash. Parlamenti nuk është vend për estradë. Meraku për të shmangur estradat.
4. Podium. Në një estradë druri dy të rinj u binin fizarmonikave. Zbres nga estrada.

FOLTORE

FOLTÓR/E,~JA f. sh. ~E, ~ET Vend më i ngritur në një sallë a diku tjetër, me një tryezë të posaçme prej nga flet ligjëruesi, folësi etj.; katedër; podium. Foltorja e Kuvendit. Mikrofoni i foltores.
✱Sin.: katedër, podium.

PLATFORMË

PLATFÓRM/Ë,~A f. sh. ~A, ~AT 1. Vend i rrafshët, pak i ngritur nga toka, i ndërtuar në një stacion hekurudhor etj. Platforma e stacionit. Mos qëndroni në platformë!
2. Shesh pushimi në shkallët e një ndërtese disakatëshe; vend i sheshtë a diçka që ka një pamje të tillë, më i lartë se pjesa përreth; podium. Platformat e shkallëve. Platforma e shkëmbit një copë vend i sheshtë në një shkëmb të thepisur. U ngjit (hipi) në platformë.
3. fig. Parime, pikëpamje e kërkesa politike, ideologjike etj., në bazë të të cilave vepron një parti, një grup i organizuar njerëzish etj.; program veprimi për një parti. Platformë politike (ideologjike, organizative). Përcaktuan (përpunuan, rishikuan, paraqitën, pranuan) platformën. Doli me një platformë të re.
✱Sin.: podium, sheshpushim, pikëpamje, program.

PODIUM

PODIÚM,~I m. sh. ~E, ~ET 1. Vend i ngritur si skenë në një shesh a në një sallë, ku mund të jepen shfaqje përpara shumë njerëzve. Japin shfaqje në podium.
2. Vend i ngritur në një kënd sportiv a në një stadium, ku hipin sportistët fitues. Podium i lartë. Hipi (u ngjit) në podium.
✱Sin.: platformë, tribunë.

PËRSHËNDETËS

PËRSHËNDÉTËS,~I m. sh. ~, ~IT Ai që përshëndet një grup njerëzish, një veprimtari etj. me rastin e një feste, të një arritjeje në punë etj. Në podium u ngjitën njëri pas tjetrit përshëndetësit.

TRIBUNË

TRIBÚN/Ë,~A f. sh. ~A, ~AT 1. Vend i ngritur, zakonisht në krye të një salle, ku rri presidiumi; vend i ngritur ku del gojëtari dhe ku flet para të tjerëve. Tribunë e lartë. U ngjit (doli) në tribunë. Foli nga tribuna.
2. Pjesa qendrore për shikuesit në një stadium. Tribuna kryesore. Tribuna e stadiumit. Shkallët e tribunës. Hipi në tribunë.
3. lart. Organ, gazetë, revistë etj., që zhvillon një veprimtari të shquar dhe që përfaqëson këtë veprimtari; shprehëse e mbrojtëse e fuqishme e një çështjeje të madhe. Tribunë e gjallë. Tribunë luftarake. Tribunë e popullit. Tribuna e punëtorëve. Tribuna e letrarëve.
✱Sin.: podium, platformë, gazetë, organ, revistë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë