Fjalori

Rezultate në përkufizime për “pluskuese”

Mëso si ta përdorësh
<<< Kthehu te kërkimi kryesor në fjalor

NIMFEID

NIMFEÍD,~E mb., bot. Që lidhet me bimë të pajisura me gjethe pluskuese. Zambaku i ujit është bimë nimfeide.

PERIMETËR

PERIMÉT/ËR,~RI m. sh. ~RA, ~RAT 1. gjeom. Vija e lakuar ose e thyer që kufizon një figurë gjeometrike; gjatësia e kësaj vije ose shuma e të gjitha brinjëve të një figure gjeometrike. Gjatësia e perimetrit të rrethit (të trekëndëshit, të katërkëndëshit). Mat perimetrin.
2. Vijë pak a shumë si rreth, që përcakton kufijtë më të mëdhenj të një trupi zakonisht të rrumbullakët. Perimetri i Tokës. Perimetri i kafazit të kraharorit.
3. Kufiri rrethues i diçkaje, vija rrethuese, vija anësore. Perimetri i gjetheve. Perimetri i mbrojtjes së qytetit. Perimetër i sigurisë kordon me litra najloni etj. dhe me objekte pluskuese që vendoset në një zonë plazhi për të treguar kufirin fundor të notimit.

PLUSKUES

PLUSKÚES,~E mb. Që qëndron sipër e tundet mbi ujë, në ajër etj. dhe nuk bie poshtë, që nuk zhytet në ujë. Sende pluskuese. Trup pluskues.
✱Sin.: notues, lundrues.

PLUSKUESE

PLUSKÚES/E,~JA f. sh. ~E, ~ET Ajo që pluskon. Lodër pluskuese. Mbeturina pluskuese.

SHENJËZIM

SHENJËZÍM,~I m. sh. ~E, ~ET 1. Tregim kufijsh ujorë me mjete pluskuese. Shenjëzim i hapësirës kufitare. U realizua shenjëzimi i kufijve. Shenjëzimi u realizua me sukses.
2. Një objekt, vend, hapësirë gjeografike etj., që është shenjëzuar për t’u identifikuar, për t’u dalluar, shenja që i ndihmojnë njerëzit që të orientohen në rrugë. Shenjëzimi i vendpushimeve. Shenjëzimi i vendeve me interes publik. Vendosja e shenjëzimit. Projekti i shenjëzimit. Shenjëzimi me vija të bardha. Rrugë pa shenjëzim.
3. gjuh. Marrëdhënia mes shenjuesit dhe të shenjuarit. Semiologjia e shenjëzimit. Shenjëzimi i sistemit të shenjave gjuhësore.
4. gjuh. Akti i shenjimit, akti i përdorimit të një shenje për të shënuar një domethënie, kuptim; emëtim. Procesi i shenjëzimit.
5. spec. Përdorimi i një sistemi figurash ose simbolesh në një fushë të specializuar (gjuhësi, letërsi, semiotikë, muzikë etj.); shprehja e koncepteve, e ndjenjave etj., me anë të simboleve. Shenjëzimi i realitetit. Shenjëzim letrar. Shenjëzimi i bukurisë. Shenjëzim i ligjërimit.
✱Sin.: simbol, simbolizim, përfaqësim, shënim, tipizim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë