Fjalori

Rezultate në përkufizime për “plusk”

Mëso si ta përdorësh
<<< Kthehu te kërkimi kryesor në fjalor

PAH

PAH,~UI m. 1. Pjesa shumë e imët e miellit, që ngrihet si pluhur gjatë bluarjes; maja e miellit. Pah mielli.
2. Hedhet e të lashtave. Pahu i misrit (i grurit, i orizit).
3. Hedhet e imëta të lëndës së drurit kur e sharrojmë. Pahu i drurit. Pahu i sharrës.
4. Endi i luleve, pjalm. Pahu i luleve (i pemëve).
5. Flokët e imët të dëborës; shtresë e imët dëbore. Pah dëbore.
6. Zbokth; zhuli që zë koka e fëmijëve. Pahu i kokës.
✱Sin.: pjalm, end, endë, hedhë, plusk, pluhurizë, majë, limurinë, paskajë, pjalm, tallash, zbokth, zhul.

PJALM

PJALM,~I m. 1. bot. Pluhur shumë i imët, zakonisht me ngjyrë të verdhë, që e kanë lulet kur çelin dhe që shërben për të pllenuar bimët. Bletët (grerëzat) mbartin pjalmin nga një lule në tjetrën.
2. Borë shumë e hollë; borë e imët që e ngre era përpjetë. Pjalm bore. Pjalm e borë.
3. Maja e miellit; miell i situr imët; pluhuri i miellit që ngrihet përpjetë e bie mbi sendet; ëndë, paskaq. U bë me pjalm mielli.
4. Pluhur shumë i hollë i diçkaje.
✱Sin.: end, endë, endëz, ëndë, polen, pah, plusk, borimë, pluhurizë, pluhur, majë, ajkë, paskaq, shtresë, tufk, lind.

PLUHURIZË

PLUHURÍZ/Ë,~A f. Pluhur shumë i imët e i hollë, që ngrihet e qëndron për ca kohë në ajër. Pluhurizë qymyri.
✱Sin.: pah, plusk, flauri, hedhë, shtresë.

PLUSK

PLUSK,~U m. 1. Pluhurizë; shtresë e hollë pluhuri, hiri etj.; pjalm. Plusk bore. Plusku i luleve. Plusku i thëngjillit.
2. Cipë e hollë që zë në sipërfaqe shëllira, uthulla, qumështi etj., vemesë. Ka vënë shëllira plusk.
✱Sin.: pluhurizë, shtresë, pjalm, cipë, makrosë, vemesë.

PLUSKOJ

PLUSK/ÓJ vep., ~ÓVA, ~ÚAR jokal. 1. zakon. v. III. Qëndron sipër ose tundet mbi ujë, në ajër etj. dhe nuk bie poshtë, rri gjithnjë në sipërfaqe të ujit e nuk zhytet (zakonisht për diçka të lehtë). Tapat (gjethet, degët) pluskonin mbi ujë. Dërrasat pluskonin nëpër liqen. Puplat pluskonin në ajër.
2. Notoj a lundroj shumë ngadalë mbi ujë; lëviz shumë ngadalë në ajër. Po pluskonin me pedalon. Pluskonin retë në qiell.
3. fig. Më kujtohet turbull dikush a diçka, më shfaqet e më zhduket.
4. fig., vet. v. III Duket e zhduket shpejt, shfaqet vetëtimthi. Më pluskonte para syve (në mendje).
5. fig. Kam diçka me bollëk, notoj. Pluskon në mes të të mirave.
✱Sin.: flluskon, notoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë