Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PLOT ndajf. 1. Mbushur aq sa nxë, deri në buzë; aq sa merr, pa asnjë vend të pazënë ose hapësirë të zbrazët (për enët, hapësirat etj.), mbushur; kund. bosh; zbrazët. Me gojën plot. Me xhepat plot. E mbushi gotën plot. Dhoma (auditori salla) ishte plot. E mbushi koshin plot me rrush. Është plot, s’nxë më. Plot e përplot. Plot e për majë. Agonia e luleve të saksisë e mbush dhomën plot me aromë! (fj. u.)
2. Me shumë njerëz, kafshë a sende, mbushur. Oborri ishte plot me njerëz. Kopshti ishte plot me lule. Molla ishte plot me kokrra. Vendi ishte plot me ujë (me baltë, me moçale, me drurë, me gurë).
3. Shumë, sa të duash; mjaft. Ka plot. Kishin ardhur plot. U bëmë plot. Vajtën plot.
4. Me të gjitha, pa i munguar asgjë. Tryeza ishte plot. E ka shtëpinë plot.
5. Me pamje të plotë, duke e parë të tërë. Është hëna plot është hënë e plotë. S’e shoh plot. Duket plot.
6. bised. Në shenjë; me sukses, duke arritur qëllimin, jo kot; kund. bosh. Shtiu (qëlloi) plot. Më doli rruga plot.
✱Sin.: përplot, plotpërplot, plotësisht, fytas, krejt, rrafsh, grykas, grykazi, fytthi, cit, citë, brus, rrësk, rrumbull, krrëk, rrumbullak, brumbull, gargull, gic, deng, dengëza, vica, shaz, krejtësisht, prush, greth, kërpicë, kapicë, lëmë, plis, pitër, mizëri, mizë, rrungajë, det, shumë, gjithë, plym, mbushur, prerë, pjergull, rraxhë, gërmajë, grumbull, dyst.
♦ Me *barkun plot. *Djepi plot e këmbët jashtë (dikush) iron. Me *duar plot. E ka hambarin plot (dikush) nuk vuan për asgjë, i ka gjithë të mirat; kund. e ka hambarin dërrasë (dikush). E ka kokën (kryet) plot (dikush). 1. Është i ditur e i mësuar; është i mençur; kund. e ka kokën (kryet) bosh. 2. Është i bindur plotësisht për diçka; e ka mendjen top. E kam syrin plot jam i kënaqur plotësisht me diçka; i kam të gjitha, jam i ngopur me gjithçka; m’u ngop syri. E kam zemrën plot jam shumë i kënaqur e i lumtur, jam shumë i gëzuar, se kam gjithçka, kam gjithë ata që i dua e ashtu si i dua; e kam zemrën të ngrohtë. E ka xhepin (qesen, kuletën) plot (dikush) ka shumë para; është në gjendje të mirë ekonomike; e ka xhepin (qesen) të ngrohtë. Ma mbushi *zemrën (shpirtin) (plot) (dikush a diçka). M’u mbush *zemra (shpirti) (plot). Me plot *gojën. Me plot *zemrën. *Syri plot e dora thatë. E shikon me syrin plot (dikë a diçka) ka lakmi për dikë a për diçka, e lakmon; e heton mirë për të nxjerrë diçka për vete. *Urtë e butë e plot tiganin (dikush) iron. Me *zemrën (me shpirtin) plot.
PLOTPËRPLÓT ndajf. Plot e përplot, sa nuk nxë më; krejt. Pishina ishte plotpërplot. Pemët janë plotpërplot. U mbush salla plotpërplot.
✱Sin.: plot, krejt, rrafsh.
RRAFSH ndajf. 1. Pa të ngritura e të ulura, në të njëjtën lartësi në gjithë sipërfaqen, në mënyrë të rrafshët. U qeth rrafsh. E shtriu rrafsh pirgun e dheut. E bëri rrafsh e rrafshoi.
2. Drejt, në vijë horizontale. E preu degën rrafsh me trungun.
3. Ulur, këmbëkryq, jo më këmbë, shesh. Po qëndronte rrafsh. U ulën rrafsh.
4. Plot e përplot, buzë më buzë. I mbushi gotat rrafsh.
✱Sin.: ulur, këmbëkryq, ndenjur, rrafshas, rrafshazi, dyst, plot, përplot, deng, dengëza, rrumbull, dheras, dherazi, plotpërplot, plotësisht, fytas, krejt, grykas, grykazi, fytthi, cit, citë, brus, krrëk, rrumbullak, rrumbullakthi, brumbull, deng, dengëza, shaz, krejtësisht.
♦ U bë rrafsh me tokën. 1. (diçka). U prish që nga themelet, u rrafshua, u shkatërrua krejt; u bë lëmë. 2. (dikush). U shtri ngjitur me tokën që të mos dukej; u bë petë. E bëri rrafsh me tokën (diçka) e prishi që nga themelet, e rrafshoi, e shkatërroi pa lënë gjë më këmbë; e bëri lëmë. E ka trurin rrafsh (*të lëmuar, shesh) (dikush) përçm. E qeth rrafsh (dikë) i merr shumë shtrenjtë për diçka; ia përlan paratë, e rrjep. Shtrohem rrafsh (me dikë) flas shtruar me dikë për të gjitha çështjet, bisedoj gjatë e qetë; ulem (shtrohem) këmbëkryq (me dikë). Më zë këmba rrafsh e marr veten ekonomikisht dhe jetoj më mirë, i kapërcej vështirësitë ekonomike, nuk vuaj më.
RRÚMBULL ndajf., bised. 1. Plot e përplot; rrumbullak. Ishte mbushur rrumbull. Peshonte rrumbull pesë kilogramë.
2. Si lëmsh. I mbështolli rrumbull plaçkat. E ndau (e preu) rrumbull.
3. fig. Në gjendje të dehur. Ishte bërë rrumbull.
✱Sin.: plot, përplot, plotpërplot, plotësisht, fytas, krejt, rrafsh, grykas, grykazi, fytthi, cit, citë, brus, krrëk, brumbull, deng, dengëza, shaz, krejtësisht.
♦ U bë rrumbull (dikush) shih u bë tapë (dikush). Ia tha rrumbull i tha hapur në sy atë që mendon, ia tha troç.
RRUMBULLÁK ndajf. 1. Në trajtë të rrumbullakët, si lëmsh. E bëri rrumbullak. E përkuli rrumbullak.
2. Në një vijë të mbyllur si rreth; rrotull. Sillej rrumbullak pa u ndalur.
3. Plot, as më shumë, as më pak. Ishte rrumbullak dhjetë kilogramë. I dhashë një mijë lekë rrumbullak.
4. fig. Copë, çiltas, pa u druajtur, troç. Më foli rrumbullak.
✱Sin.: rrumbullakthi, rrumbull, plot, përplot, plotpërplot, plotësisht, fytas, krejt, rrafsh, grykas, grykazi, fytthi, cit, citë, brus, rrumbull, krrëk, rrumbullak, brumbull, deng, dengëza, shaz, krejtësisht, lëmsh, gungalec, rrotull, plot, çiltas, hapur, troç.
RRUMBULLÁKTHI ndajf. Në trajtë të rrumbullakët, duke ia lëmuar cepat e këndet. I gdhendte rrumbullakthi cepat e karriges prej druri.
✱Sin.: rrumbullak, rrumbull, plot, përplot, plotpërplot, plotësisht, fytas, krejt, rrafsh, grykas, grykazi, fytthi, cit, citë, brus, krrëk, brumbull, deng, dengëza, shaz, krejtësisht.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë