Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
CAII ndajf. 1. Në një fare sasie ose shkalle, jo aq pak; një kohë jo shumë të gjatë; diçka, pak. Edhe ca. Ca e vështirë. Ca i madh. Ca i vogël. Ca si tepër. Fjeti ca. U lodhëm ca. Hëngri ca. Punoi (pushoi) ca. Rron (mban, qëndron) edhe ca. Priti ca. Zbutet ca. Eja ca. Pas ca.
2. Edhe pak, akoma (me mbiemra e ndajfolje të shkallës krahasore). Ca më i ri (më i madh, më i vogël, më i gjatë, më i lartë, më i fortë). Ca më mirë (më shumë, më tepër). Ca më tutje (më larg, më tej, më thellë). Ca më vonë (më pas).
3. Në një farë shkalle, pjesërisht, pak (përdoret në krye të një fjalie të varur shkakore ose të një plotësi shkaku, për të theksuar shkakun, i cili sjell një pasojë). Ca nga mungesa e vëmendjes, ca nga shpejtësia, aksidenti u bë i pashmangshëm.
4. si pj. Përdoret përpara emrit të një frymori ose të një sendi, kur folësi shpreh një fare habie, admirimi a përçmimi ose kur atij i duket se dikush a diçka ngjan me një tjetër. Kishte ca dhëmbë të bardhë si rruaza.
✱Sin.: pak, pjesërisht.
♦ Ca e ca disa njerëz të panjohur ose që nuk është e nevojshme ta themi cilët janë; dikush. Ca nga ca pak e nga pak, pjesë-pjesë; dalëngadalë; diçka më tepër, edhe pak mbi atë sasi; edhe disa të tjerë përveç atyre (pas një numërori). Ca pa ca pak nga pak, jo të gjitha menjëherë. *Ulu ca!
CILËSÍ,~A f. sh. ~, ~TË 1. Veti thelbësore, tipar i veçantë i brendshëm (zakonisht veti e mirë, tipar pozitiv), që e dallon një send ose një frymor nga sendet ose nga frymorët e tjerë dhe që na jep mundësi ta njohim e ta vlerësojmë. Cilësi të mira (të rralla). Cilësi të larta. Cilësitë kryesore. Cilësitë e përbashkëta. Cilësi të veçanta. Cilësi fizike. Cilësitë racore. Cilësitë e njeriut. Cilësitë e tokës. Cilësitë e rrushit. Plotësi i cilësisë. gjuh. Fitoj një cilësi të re. Ka cilësitë e duhura. Humbet cilësitë.
2. vet. nj. Të qenët i mirë e i dobishëm nga një anë e caktuar, shkalla e vlerës ose e dobisë që ka një send, një veprim etj.; të qenët ashtu si duhet të jetë një send, një veprim etj.; shkallë pak a shumë e lartë e vlerave ose e dobisë së diçkaje. Cilësi e mirë (e keqe). Cilësi e lartë. Cilësia sportive. Cilësia e punës (e prodhimit, e punimeve). Cilësia e mësimit. Cilësia e dijeve (e njohurive). I cilësisë së parë. Punë me cilësi të dobët. Në sasi dhe në cilësi. Treguesit e cilësisë. Kontrollues i cilësisë. Nga ana e cilësisë. Përmirësoj cilësinë. Luftoj për cilësi.
3. filoz. Tipari thelbësor ose tërësia e tipareve thelbësore që tregojnë se ç’është një send, një dukuri a një proces dhe që e dallojnë atë nga një send, një dukuri a një proces tjetër; tërësia e tipareve që përbën të veçantën e një sendi, dukurie a procesi, që e bën atë të jetë ai ose ajo që është, të shquhet nga sendet, dukuritë e tjera dhe të lidhet me to. Cilësia dhe sasia. Kalimi (shndërrimi) i sasisë në cilësi. Ndryshime në cilësi.
4. drejt. Detyrë, rol a funksion, që merr një njeri, zakonisht për një kohë dhe për një rast të caktuar. Në cilësinë e paditësit.
5. sport. Ndryshimi në lojë ndërmjet lojtarëve të tjerë që sjell epërsinë e vet. Kam një cilësi me tepër. Humbas një cilësi.
✱Sin.: veti, veçori, tipar, anë, test, dorë.
MBUSHULLÍ,~A f. 1. Sasi e madhe, shumicë, buri. Gjithë ajo mbushulli mishrash e bakllavash. Mbushullia e pasurisë ishte e panumërueshme. Jetonte në mbushullinë e gjithë të mirave. Sjell një mbushulli falënderimesh.
2. fig. Diçka që dikush e ka në shkallën më të plotë të mundshme, ajo që dikush e ka me bollëk a me tepri, plotësi. Goja e tij flet nga mbushullia e zemrës. Shoh mbushullinë e gëzimit të saj.
✱Sin.: shumicë, bollëk, buri, tepri, plotësi.
PAPLOTËSÍ,~A f., libr. Të qenët i paplotë, paplotshmëri; kund. plotësi. Paplotësi e përsëritur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë