Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BREZÁR/E,~JA f. sh. ~E, ~ET 1. Shtresë pllakash shkëmbore që pret pjerrtas një kodër, shtratin e një lumi etj. Brezaret lumore. Nxjerr gurë nga brezarja. Janë prishur brezaret natyrore.
2. Brez toke i gjatë e i sheshtë që hapet në faqe të malit a të kodrës dhe që shërben për të mbjellë në të pemë e bimë të tjera; tarracë2. Brezare vetullore. Brezaret e bregdetit. Brezare agrumesh (ullinjsh). Mal me brezare. Hap brezare. Ndërtimi i brezareve në tokat e pjerrëta. Mbjell portokaj në brezare. Brezare me mure mbrojtëse.
3. Binar i hollë a dërrasë e ngushtë që vihet përgjatë murit për ta lidhur më mirë e për ta forcuar atë. Brezare muri. Murit i vëmë brezare.
4. Palca e pishës që përdoret për të ndezur zjarrin.
5. etnogr. Brez i zbukuruar i nuseve, stoli argjendi që vënë nuset në brez; shokë nusesh. Brezare argjendi. Brezare ngjyrë qielli.
✱Sin.: brez, tërthorëse, boshtivan, astanik.
DIPTÍK,~U m. sh. ~Ë, ~ËT 1. Pikturë a vepër e përbërë nga dy pjesë që përputhen dhe së bashku krijojnë një vepër të vetme. Pjesa e parë ( e dytë, përmbyllëse) e diptikut. Vazhdimi i diptikut. Paraqitje në formën e diptikëve apo triptikëve.
2. Një tablo ose seri fotografish e pikturuar a e gdhendur në dy pllaka me varëse. Diptikët fetarë nga Mesjeta.
3. Korniza druri a metali në formë pllakash, që palosen së bashku si dy fletë për të mbrojtur shkrime të lëna mbi dyllë në brendësi të sipërfaqeve të tyre.
HORMÓQ,~I m. sh. ~Ë, ~ËT bot. 1. (lat. Picea abies) Bredh i zakonshëm; bredh evropian, një ndër haloret më të përhapura në Evropë, përfshirë edhe Shqipërinë; çetina
2. bot. Pjesë e parë e emërtimeve të pathjeshta për lloje të ndryshme hormoqësh. Hormoqi i bardhë (lat. Picea glauca) lloj bredhi, i madh, me gjelbërim të përhershëm që rritet normalisht nga 15 deri në 30 m lartësi, me lëvore të hollë me luspa, me kurorë të ngushtë konike, me filiza kafe të zbehta, me gjethe si gjilpërë, me fara të zeza nga 2 deri 3 mm të gjata. Hormoqi kinez (lat. Picea asperata) lloj bredhi i madh, me gjelbërim të përhershëm, që rritet mesatarisht 25-40 m lartësi, me kurorë gjerësisht konike dhe degë horizontale, me lëvore kafe të errët, që shpërthen në luspa kafe më të çelëta, me filiza ngjyrë portokalli në kafe, me gjethe si gjilpëra të ashpra. Hormoqi i malit (lat. Picea engelmannii) lloj bredhi, i Amerikës së Veriut dhe Kanadasë, me gjelbërim të përhershëm, me lartësi mesatare, me lëvore të hollë ngjyrë të kuqerremtë, me luspa në trajtën e pllakave të vogla rrethore, me kurorë konike të ngushtë, me filiza me ngjyrë kafe të zbehtë deri në portokalli në kafe, me gjethe si gjilpërë, me aromë të fortë. Hormoqi i Sitkës (lat. Picea sitchensis) lloj bredhi, i madh, me gjelbërim të përhershëm, me degë të holla që përhapen horizontalisht, me lëvore të hollë dhe të lëmuar të trungut, me ngjyrë gri, që bëhet ngjyrë vjollcë në kafe, me luspa në trajtë pllakash, me gjethe të forta në të gjithë anët e kërcellit, që preferon tokë ranore dhe të lagësht, si dhe ajër të freskët. Hormoqi vajtues (lat. Picea breweriana) lloj bredhi, i madh, me gjelbërim të përhershëm, me lëvore të hollë me luspa ngjyrë vjollcë në gri, me kurorë të ngushtë piramidale, me degë të gjata, shumë të varura, që i japin pamjen sikur vajton, që dallon nga degët e tjera të rralla përgjatë trungut që marrin drejtim horizontal, me filiza ngjyrë gri në kafe.
PLLAKATÓNTHI ndajf. Pllakash. Luajnë pllakatonthi.
THYEZÍM,~I m. sh. ~E, ~ET 1. Veprimi kur mbush një faqe muri, një dysheme etj., me copa gurësh a xhamash të ndryshëm; veprimi kur thyezoj diçka ose thyezohet.
2. Figurë që bëhet me copa gurësh, xhamash e pllakash të ndryshme në një faqe muri, në një dysheme etj. për zbukurim, punim me thyeza, mozaik.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë