Fjalori

Rezultate në përkufizime për “pirrë”

Mëso si ta përdorësh
<<< Kthehu te kërkimi kryesor në fjalor

PIRROVINË

PIRROVÍN/Ë,~A f. sh. ~A, ~AT 1. bot. Pirrë.
2. Pirravinë, pirravishtë.

PIRRË

PÍRR/Ë,~A f. sh. ~A, ~AT 1. bot. (lat. Sesleria) Bimë barishtore me kërcell të trashë e të ashpër, me gjethe të gjata, të ngushta e me majë të mprehtë, që rritet zakonisht nëpër këneta. I shtroi pirrë bagëtisë.
2. Pjesa e parë e emërtimeve të pathjeshta për disa lloje pirrash: Pirra gëlqerore (lat. Sesleria calcaria). Pirra gjethegjerë (lat. Sesleria latifolia). Pirra e kaltër (lat. Sesleria coerulea) fangu i egër. Pirra e Korabit (lat. Sesleria korabensis). Pirra e Skënderbeut (lat. Sesleria robusta, Sesleria skanderbeggi).
3. Fara e gramit.
4. Gjemb i ferrës.
5. Ashkël e hollë; rrasë e hollë guri.
6. fig. Pisk i vapës; zheg.
7. fig. Vështirësi. S’ka parë pirrë me sy, ndaj bën ashtu!
♦ Ia di pirrën (dikujt) e njoh shumë mirë, hollësisht, me virtytet e veset që ka, deri në imtësi, ashtu si është; ia di gjuhën; (ia di) sa dhëmbë e dhëmballë ka në gojë (dikush); (e njoh) me rrënjë e me degë (dikë); (ia di, ia njoh) zorrët e barkut. Kam pirrën e zezë nuk kam asgjë, jam shumë i varfër, s’kam as para, as pasuri; nuk kam fituar asgjë nga një punë a nga një përpjekje; mbeta krunde; mbeta squfur; mbeta kripë (e shëllirë); mbeta teneqe; mbeta gisht; mbeta qiri. Ia ka pirë pirrën ia ka pirë lëngun.

PIRRËGJAKËSE

PIRRËGJÁKËS/E,~JA f. sh. ~E, ~ET bot. Bimë shumëvjeçare, me lulesë ngjyrëvjollcë e të dendur si kalli dhe me gjethe vizake, pirrë.

SHAVAR

SHAVÁR (SHEVÁR),~I m. sh. ~Ë, ~ËT bot. (lat. Stipa pulcherrima) 1. Bimë shumëvjeçare deri tre metra e lartë, me kërcell të drejtë pa nyja, me gjethe të gjata e të ngushta dhe me lule të mbledhura si kalli, që rritet në këneta e buzë ujërash dhe që përdoret për të mbuluar kasollet, për të bërë rrogoza etj.; shurdhac, fryzëkuqja, kashtëkuqja. Shavari i moçalit. Shtroi rrogozin prej shavari. Mblodhi shavar buzë kënetës. Vinte erë lagështie në ligatinën e mbushur me shavar. Dyshek me shavar kënete.
2. (lat. Arundo donax) Kallami gjethengushtë; kundje. Preu me drapër shavar. I lidhi shavarët fort. Shavari shkon deri në 6 m i gjatë.
3. (lat. Sesleria) Një lloj bari i gjatë, që rritet buzë ujërash dhe që, kur është i njomë, përdoret si ushqim për bagëtinë, pirrë. Shavari është bimë shumëvjeçare. Shavarin e kositur ua hodhi bagëtive. Shavari kërkon lagështirë.
4. (lat. Cyperus rotundus L.) Truska rrumbullake. Shavari përdoret në mjekësinë tradicionale aziatike.
5. bot. Pjesë e parë e emërtimeve të pathjeshta për lloje të ndryshme të kësaj bime. Shavari gjethegjerë (lat. Typha latifolia) kashtërrogozi. Shavari gjethehollë (lat. Typha angustifolia) kashtërrogozi, tërskë. Shavari i Luksmanit (lat. Typha laxmannii) bimë ligatinash, jo shumë e gjatë. Shavari i shutleurthit (lat. Typha shuttleworthii) bimë që gjendet pranë liqeneve, kanaleve e jo shumë e përhapur në Shqipëri. Shavari i vogël (lat. Typha minima) shavari xhuxh.
✱Sin.: shevar, zhavar, shurdhac, fryzëkuqe, kashtëkuqe, rrogoz, tërskë, kallam, kundje, pirrë.

SHEVAR

SHEVÁR [SHAVÁR],~I m. sh. ~Ë, ~ËT bot. (lat. Sesleria) 1. Bar bjeshke me fletë të gjata që rritet në vende me lagështirë e që është shumë i mirë për bagëtinë, pirrë, bar pirrak. Bima e shevarit. E lëshoi bagëtinë në shevar. Shevar me gjelbërim të gjatë.
2. (lat. Stipa pulcherrima) Bimë kënetore që përdoret zakonisht për të thurur rrogoz etj., shavar, zhavar. Pres shevar. Kasolle me shevar. Shevar i vogël. Thur rrogoz me shevar.
✱Sin.: pirrë, pirrak, shavar, zhavar, shurdhac, fryzëkuqe, kashtëkuqe, rrogoz.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë