Fjalori

Rezultate në përkufizime për “pikturoj”

Mëso si ta përdorësh
<<< Kthehu te kërkimi kryesor në fjalor

AKUAREL

AKUARÉL,~I m. sh. ~E, ~ET art. 1. Bojë uji për të pikturuar. Veçoritë më dalluese të akuarelit.
2. Mënyra dhe teknika e pikturimit me bojëra uji. Vizatoj me akuarel. Pikturoj me akuarel.
3. Pikturë e bërë me bojëra të tretura në ujë në një letër të posaçme, të trashë dhe përthithëse. Peizazh me akuarel. Pikturë e realizuar me teknikën akuarel. Bleva një pikturë me akuarel. Dhurova dy pako akuarele.
4. përmb. Tërësia e pikturave të tilla në një galeri artesh, në një ekspozitë etj. Akuareli i një piktori. Ekspozitë akuareli.

FYTYROJ

FYTYR/ÓJ vep., ~ÓVA, ~ÚAR 1. kal. I jap trajtë diçkaje; vizatoj, pikturoj. Fytyroi idenë e tij.
2. kal. Përfytyroj. Kishte fytyruar se ç’do të ndodhte.
3. jokal., v. III Është i shkruar a i regjistruar diku, e ka emrin të shkruar diku. Nuk fytyronte më atje.
✱Sin.: vizatoj, pikturoj, përfytyroj.

PANORAMOJ

PANORAM/ÓJ vep., ~ÓVA, ~ÚAR kal. 1. Filmoj a pikturoj një peizazh e një pamje nga natyra. Panoramoi peizazhin e bregdetit (e malit të Sharrit, e rrafshit të Dukagjinit).
2. fig. Bëj panoramën e diçkaje, bëj një paraqitje të përgjithshme të çështjeve e dukurive të një fushe.

PIKTURIM

PIKTURÍM,~I m. Veprimi kur pikturoj ose kur pikturohem. Pikturimi i natyrës.

PIKTUROJ

PIKTUR/ÓJ vep., ~ÓVA, ~ÚAR kal. 1. edhe jokal. Paraqit natyrën, njerëzit dhe veprat e tyre etj. me anë të vijave e të ngjyrave mbi një sipërfaqe zakonisht të sheshtë; bëj një pikturë; merrem me pikturë. Pikturoj një portret (një peizazh, një vizore). Pikturoj një vepër (një ndërtesë). Di të pikturojë bukur. Pikturon çdo ditë nga tri orë.
2. fig. Përshkruaj diçka në mënyrë të gjallë e të qartë. Ka pikturuar në roman shoqërinë e kohës.

VIZATOJ

VIZAT/ÓJ vep., ~ÓVA, ~ÚAR kal. 1. Paraqit a riprodhoj në letër një send ose një figurë me laps, me bojëra, me penë etj., bëj vizatim në letër ose në diçka tjetër; zotëroj artin a mjeshtërinë e vizatimit. Vizatoj një shtëpi (një lule, një pemë, një kub...). Vizatoj me laps (me bojëra). Vizaton bukur.
2. fig. Përshkruaj zakonisht shkurt, me gojë ose me shkrim, një ngjarje, një gjendje, një njeri; jap idenë a pamjen e diçkaje. Vizatoi të ardhmen. E vizatoi mirë gjendjen.
✱Sin.: pikturoj, fytyroj, përvijoj, formoj, pikëzoj, vijëzoj, vizoj, skicoj.

ZOGRAFIS

ZOGRAFÍS vep., ~A, ~UR bised., kal. 1. edhe keq. Pikturoj, zbukuroj. E zografisi mirë. Ai zografiste ikona në manastire me shumë përkushtim. Edhe lugati nuk është aq i zi sa e zografisin. (fj. u.).
2. keq., iron. Shkruaj. Kishte zografisur një letër. Personi që e zografisi lajmin, duke e shndërruar fletë lavdërimin në “qytetar nderi”.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë