Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DÓRËZ,~A f. sh. ~A, ~AT 1. Dorezë1,2. Dorëza leshi (pambuku). Dorëza e çikrikut (e çadrës, e ziles, e thikës). Dorëza e pendës, dorëza e parmendës. (fj. u.).
2. Tufë kallinjsh, bari, kashte, thuprash etj. sa mund të kapë dora. Dorëz gruri (misri, duhani, bari). Dorëz purtekash. Mori (këputi, mblodhi) një dorëz. Lidhin dorëzat. Bëj dorëza, sa mund të lidhësh duaj (fj. u.). Korr e mos bëj dorëza (fj. u.).
3. Kapaku i mëngës së këmishës ku mbërthehet kopsa.
4. Copë djathi pak a shumë e rrumbullakët, sa merret nga napa ku është piksur. Një dorëz djathë.
5. Shtypësi i havanit; shtypec, shtypar, rrahës.
♦ Ta jep kaun në *vorbë dhe shpatën pa dorëz.
NGJÍZUR (i, e) mb. 1. Që është trashur, i mpiksur (për bulmetin, lëngjet); kund. i çngjizur. Qumësht i ngjizur.
2. Që është i mbrujtur mirë, i ngjeshur. Muskuj të ngjizur.
3. Që ka nisur të formohet në barkun e nënës. I ngjizur me farëzim artificial.
4. fig. Që është i trilluar a i shpikur nga mendja. Gjëra të ngjizura. Gënjeshtra të ngjizura. Ëndërr e ngjizur që në fëmijëri.
✱Sin.: i trashur, i zënë, i mpiksur, i piksur, i zënë, i mbështjellë, i brumtë, i mbrujtur, i ngjeshur, i trilluar, i sajuar, i shpikur.
ZËNË (i, e) mb. 1. Që është zënë i gjallë, që është zënë rob; që është kapur a është marrë me forcë. Robër të zënë. Nuk vihet dorë mbi ushtarët e zënë. Plaçkë e zënë. Tank (top, mitraloz) i zënë. Pozicionet e zëna. E merrte me mend se cilin fill tërhiqte peshku i zënë në grep.
2. Që nuk është i zbrazët a i lirë, që është zënë me diçka a nga diçka, i bllokuar; kund. i lirë. Vend i zënë. Rrugë e zënë. Tryezë e zënë. Shtëpi (dhomë) e zënë. Sipërfaqe (tokë) e zënë. Truall i zënë. I kishte duart të zëna. Telefoni ishte i zënë. Gypin e zënë e heqim me kujdes.
3. Që nuk ka kohë të lirë, që nuk është i ngeshëm (për njerëzit); i mbushur me diçka, jo i lirë. E gjeti të zënë. Ishte shumë i zënë. Shtirej si i zënë. Të dielën e kam të zënë. Njeri i zënë me punë të mëdha. Erdhi me vonesë se qe i zënë me probleme të tjera.
4. Që nuk duket, që e ka mbuluar diçka e nuk shihet. Hëna qenka e zënë.
5. I kapur a i prekur me dorë; që nuk është i pastër. Rushtë më të zënë e fiqtë më të lënë, asnjëherë s’duhen ngrënë. (fj. u.).
6. bised. I fejuar. Vajzë e zënë.
7. bised. Shtatzënë. Grua e zënë. E ka nusen të zënë.
8. Që ka mbirë a që ka zënë, i rrënjëzuar (për bimët). Shartime të zëna. Pemët e zëna duhen krasitur.
9. bised. Që është në gjendje të mirë ekonomike, i pasur. Njeri i zënë. Ishte i zënë mirë ai. E kishte babanë të zënë. Është nga një familje e zënë. - U bëftë njeri i mirë, nikoqir i zënë, u martoftë e u trashëgoftë me fëmijë e me nipër e mbesa! (folk.).
10. bised. I mbyllur. Dera ishte e zënë. Dyqani ishte i zënë.
11. bised. I errët, i mbyllur (për ngjyrat). Jeshile (kafe) e zënë. Ngjyrë e zënë. Një bojëshpate e zënë, e mbyllur, mbi një bezhë të hapur i shkonte për bukuri.
12. I gatuar, i ngjeshur, i ngjizur. Brumin e zënë e vëmë në një tepsi të cekët.
13. fig. I ngulur diku, që qëndron pa lëvizur. Gozhda e zënë shkulet me zor. (fj. u.).
✱Sin.: i mbërthyer, i qepur, i prekur, i kapur, i marrë, i pushtuar, i bllokuar, i penguar, i ngarkuar, e mbarsur, shtatzënë, i kamur, i pasur, i rrënjëzuar, i errët, i mbyllur, i gatuar, i ngjeshur, i ngjizur, i piksur.
♦ I ka duart të zëna (dikush) shih i ka duart të lidhura (dikush). I kam veshët të zënë bëj sikur nuk kam dëgjuar gjë, nuk dua të di asgjë për një ngjarje të ndodhur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë