Fjalori

Rezultate në përkufizime për “pickatë”

Mëso si ta përdorësh
<<< Kthehu te kërkimi kryesor në fjalor

CITISJE

CITÍSJ/E,~A f. sh. ~E, ~ET Veprimi kur citis dikë a diçka ose kur citisem, pickim.
✱Sin.: pickatë, cimbidhje, cimbje, ndukje.

HARRJE

HÁRRJ/E,~AI f. sh. ~E, ~ET 1. zool. (lat. Phlebotomus papatasii) Kandërr shumë e vogël, me krahë të bardhë e të tejdukshëm, që del zakonisht në kohë të vapës dhe fluturon tufa-tufa. Iu ngjitën harrjet. Na hëngrën (na grinë) harrjet. Është si harrje dikush të bezdis e të mërzit vazhdimisht, është shumë i mërzitshëm.
2. Pjesa e parë e emërtimeve të pathjeshta për lloje të ndryshme të kësaj kandrre. zool. Harrje deti insekt tropikal, kandërr e viseve të nxehta që përhap sëmundje. Harrja e buallit (lat. Simulidae) mizë e zezë, me një gojë të veçantë, që mbledh organizma të vegjël dhe lëndë organike nga uji, që ushqehet me gjak dhe mund të jenë shumë agresive,veçanërisht femrat, që konsiderohet dëmtuese si për njerëzit ashtu edhe për gjitarët e tjerë. Harrja e shikave (lat. Cecidomyidae) insekte të vogla shumë të brishta, të njohura si mushkonja të tëmthit, që ushqehen brenda indeve bimore, duke krijuar rritje anormale të bimëve, që karakterizohen nga krahë me qime dhe kanë antena të gjata.
✱Sin.: kandër, insekt, vapje, mushicë, pickatë.
♦ M’u bë harrje (dikush) përb. shih m’u bë ferrë (dikush) përb.

MUSHICË

MUSHÍC/Ë,~A f. sh. ~A, ~AT zool. 1. zakon. sh. Miza shumë të vogla që të pickojnë, të cilat gjenden me shumicë në vende me lagështirë e sidomos në vende ku punohet rrushi a ku ka bërsi; pickatë. Mushica e bostaneve. Mbyll dritaren që të mos hyjnë mushicat. Rreth dritës ishin mbledhur mori fluturash e mushicash.
2. Harrje. Zhuzhitnin mushicat. E pickuan (e hëngrën) mushicat.
✱Sin.: mizë, pickatë, harrje.

PICJE

PÍCJ/E,~A f. sh. ~E, ~ET 1. Veprimi kur ha pak, kur ha thërrime a një pjesë shumë të vogël të një gatese.
2. Pickim. I dha një pickatë në krah.

PICKIM

PICKÍM,~I m. sh. ~E, ~ET 1. Veprimi kur pickoj ose kur pickohem. Pickimi i mushkonjave (i bletës, i gjarprit).
2. Dhembja a shpimi që ndiejmë në trup kur na pickojnë. Pickime të lehta.
3. muz. Dridhje, vibrim.
✱Sin.: pickatë, cimbidhje, ndukje, thumbim, qukje, çukitje, çupitje, kafshim, zënie, cimb, cimbisje, shpim, shtrëngim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë