Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
KATRÁN,~I m. 1. Lëng viskoz dhe i zi që nxirret nga distilimi i thatë gjatë përgatitjes së qymyrit të drurit ose nga nafta, i cili përdoret për të prodhuar bojëra të ndryshme, për të lyer rrotat e qerreve etj.; peshkve. Katran qymyri. Lyej me katran.
2. Zift; pisë, serë.
3. si mb., bised. Shumë i zi; sterrë i zi. Me flokë katran.
4. fig., në sh. ~Ë, ~ËT shar. Njeri i papastër ose pistë.
5. edhe si mb., fig., keq. Njeri zemërlig e shpirtkazmë; njeri mashtrues dhe i fëlliqur. Ia prishi jetën ai katrani. Njeri i keq si ai katrani.
6. edhe si mb., fig. Njeri fatkeq dhe i mjerë; ditëzi. E zuri belaja katranin.
8. si ndajf. Shumë; tepër. Katran i zi (e zezë).
✱Sin.: zift, pisë, peshkve, serë, sterrë, ditëzi, shumë.
♦ E ka zemrën (shpirtin) katran (dikush) shih e ka zemrën (shpirtin) sterrë (dikush). Katran me bojë. 1. Shumë i keq, i zi nga çdo anë (për dikë). 2. Në gjendje shumë të keqe; që s’i ka mbetur asgjë e mirë (për diçka). Me *squfur e katran.
PÉSHKV/E,~JA f. 1. Lëng i trashë veshtullor, me ngjyrë të errët në të zezë dhe me një erë të veçantë, që nxirret kryesisht nga përpunimi me zjarr i rrëshirës ose i degëve të drurëve halorë dhe që përdoret për të lyer rrotat e qerreve etj. Peshkve pishe. Peshkve nga mbeturinat e druve.
2. Katran, pisë. Lyej me peshkve.
✱Sin.: katran, pisë, dyllë, rrëshirë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë