Fjalori

Rezultate në përkufizime për “peshkop”

Mëso si ta përdorësh
<<< Kthehu te kërkimi kryesor në fjalor

ABAT

ABÁT,~I m. sh. ~Ë, ~ËT fet. Ai që është në krye të murgjve në një abaci ose në një manastir; titull kishtar i afërt me atë të ipeshkvit; prift katolik në vendet ku vepron kisha katolike, që ka përgjegjësi për administrimin e një manastiri dhe për jetën shpirtërore të komunitetit fetar që banon aty. Abati i Mirditës.
✱Sin.: kryemurg, ipeshkëv, peshkop, rregulltar.

ARGJIPESHKËV

ARGJIPÉSHK/ËV,~VI m. sh. ~VÍJ, ~VÍJTË fet. Titull fetar në kishën katolike, gradë më e lartë se peshkopi; ai që mban këtë titull, kryetar i një argjidioqeze (në vendet ku vepron kisha katolike); kryeipeshkëv, kryepeshkop i lartë, peshkop i lartë. Selia e argjipeshkvit. Argjipeshkvi mbajti meshën solemne. U emërua argjipeshkëv nga kardinali.
✱Sin.: kryepeshkop, kryeipeshkëv, arkipeshkop.

BARITOR

BARITÓR,~E mb. 1. Që ka tiparet e jetës dhe të punës së barinjve; që e ka blegtorinë si kryesore, që mbështetet në blegtorinë. Jetë baritore. Fise baritore. Ekonomi tradicionale baritore. Mjedisi baritor. Bota baritore. Me origjinë baritore. Venbanime baritore. Kam një qen baritor.
2. art. Që i këndon jetës së barinjve, që pasqyron jetën e barinjve; që e paraqit të zbukuruar jetën e barinjve në gji të natyrës. Poezi (këngë) baritore. Melodi baritore. Peizazh baritor. Baladë e vjetër baritore. Poetë baritorë.
3. fet. Që ka të bëjë me veprimtarinë fetare të priftit, të peshkopit, përgjithësisht të bariut të fesë; që i përket veprimtarisë fetare të klerikëve si udhëheqës shpirtërorë të besimtarëve. Qeverisja baritore e një dioqeze. Kujdesi (shërbimi) baritor i kishës. Komuniteti baritor. Shoqëri baritore. Veprimtari baritore. Shërbesa baritore. Zyrë baritore. Letër baritore letër qarkore që u lëshon një një peshkop i priftërinjve të dioqezës, ku jepen udhëzime, sqarime e këshilla në lidhje me veprimtarinë dhe mbarëvajtjen e punëve të fesë dhe të kishës. Vizitë baritore vizita e peshkopit në dioqezën e vet për të parë gjendjen e kishës, për të pritur e për të dëgjuar popullin besimtar etj.
4. si em. m. Sipas kuptimi 1 të mbiemrit. Baritorët shqiptarë. Bukmirët ishin baritorë gjysmënomadë. Disa prej fiseve ishin baritorë të vjetër.

EKZARK

EKZÁRK,~U m. sh. ~Ë, ~ËT fet. Peshkop i kishës ortodokse, nën patriarkun e mbi mitropolitin. Ekzark i Ilirisë. Ekzark i patrikanës ekumenike. Ekzark patriarkal. Caktimin e tij si ekzark.

EPARK

EPÁRK,~U m. sh. ~Ë, ~ËT fet. Peshkop, kryetar i një eparkie (kryesisht për kishën ortodokse). Eparku i Horës. Eparku ishte një peshkop i ri dhe i përkushtuar. E shuguroi eparkun.

EPISKOP

EPISKÓP,~I m. sh. ~Ë, ~ËT fet. Peshkop. I dërgoi një letër episkopit. Ndërkohë episkopi kishte shkuar në vendlindje. Mblidheshin episkopët e zonës. Episkopët e qyteteve të mëdha.

HIERARK

HIERÁRK,~U m. sh. ~Ë, ~ËT 1. Ai që mban një pozitë të lartë drejtuese; autoriteti në një strukturë fetare, zakonisht brenda kishës.
2. fet. Kryeprift i kishës ortodokse.
✱Sin.: autoritet, udhëheqës, zyrtar, kryeprift, peshkop, ipeshkëv, ithtar.

IMZOT

IMZÓT,~I m., vjet. 1. fet. Titull që i jepej peshkopit ose kryepeshkopit. Imzot Fan Noli.
2. Emër me të cilin shërbyesi thërriste të zotin.
3. Emër me të cilin gruaja në disa vise të Shqipërisë thërriste burrin e vet.
✱Sin.: peshkop, kryepeshkop.

IPESHKËV

IPÉSHK/ËV,~VI m. sh. ~VIJ, ~VIJTË fet. Peshkop katolik. I zgjedhur ipeshkëv. Ipeshkëv i Shkodrës.
✱Sin.: peshkop, abat.

KATEDRALE

KATEDRÁL/E,~JA f. sh. ~E, ~ET art., fet. Kisha e parë dhe kryesore në një qytet ku ushtron veprimtarinë një peshkop a një ipeshkëv; vendi ku është ndërtuar kjo kishë; kryekishë. Kambanat e katedrales. Katedralja e Korçës (e Këlnit).

MITROPOLIT

MITROPOLÍT,~I m. sh. ~Ë, ~ËT fet. Peshkop ortodoks, që ushtron pushtetin fetar në një mitropoli; titulli më i lartë i peshkopit në kishën ortodokse; titullari i mitropolisë (në vendet ku vepron kisha ortodokse).

PESHKOP

PESHKÓP,~I m. sh. ~Ë, ~ËT 1. fet. Kryetari i një dioqeze ortodokse, dhespot.
2. bised., shaka. Ai që jepet shumë pas librave e studimit, sa shkëput lidhjet me njerëzit dhe me jetën e gjallë. Është bërë peshkop.
✱Sin.: dhespot, imzot, ipeshkëv, hirësi.

PESHKOPATË

PESHKOPÁT/Ë,~A f. sh. ~A, ~AT fet. 1. Dioqeza ortodokse që ka në krye një peshkop. Peshkopata e Ohrit. Peshkopatat e Shqipërisë së Jugut.
2. Ndërtesa ku rri peshkopi (në vendet ku vepron kisha ortodokse). I nis për në peshkopatë.

PONTIFIK

PONTIFÍK,~E mb. 1. Që ka të bëjë me pontifikatin, me papatin ose me një prift të rangut të lartë.
2. Që bëhet nga një papë, nga një peshkop, nga një prelat etj. Meshë pontifikale.

PRELAT

PRELÁT,~I m. sh. ~Ë, ~ËT Zyrtar i lartë i kishës katolike (kardinal, peshkop, abat, etj.), që ka pushtet në një rreth të caktuar. Ndihmesa e prelatëve françeskanë për mbledhjen, për botimin e për studimin e këngëve të kreshnikëve.

TITULLAR

TITULLÁR,~E mb. Që ka të bëjë me titullin që gëzon a që ushtron dikush. Post titullar. Peshkop titullar. Sportist titullar.

VLLADIKË

VLLADÍK/Ë,~A m. sh. ~Ë, ~ËT Peshkop ortodoks. Ai vlladika i kishës ortodokse.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë