Fjalori

Rezultate në përkufizime për “peshim”

Mëso si ta përdorësh
<<< Kthehu te kërkimi kryesor në fjalor

AJAR

AJÁR,~II m. sh. ~Ë, ~ËT vjet. 1. Kosh për të matur drithin; masë drithi. Ata e bënin ajar drithin ata matnin me ajar.
2. hist. Taksë drithi si detyrim që fshatarët ta ndanin prodhimin bujqësor me autoritete kohës (me shtetin, me beun, me kishën etj.), të cilin e matnin me ajar.
3. bised. Barazi në peshë, baraspeshë, drejtpeshim; përpjesëtim i barabartë; përputhje e plotë në masë e në kohë. Bëj ajar barrën ndaj barrën në pjesët të barabarta në të dy anët e samarit. Bëj ajar kandarin rregulloj kandarin të peshojë drejt në të dy anët. Bëj ajar sahatin rregulloj orën që të ecë me përpikëri. Bëj ajar ujët përziej në përpjesëtim të përshtatshëm ujë të ngrohtë e të ftohtë.
4. fig. Rregull, ndreqje, pastërti. Bëj ajar peshoj, mat; rregulloj, ndreq. E kam bërë ajar shtëpinë e kam ndrequr, e kam rregulluar.
✱Sin.: babune, buçuk, karroqe, thurimë, kofin, sepse, presek, baraspeshë, drejtpeshim, peshim, barazim, terezi, ndreqje, rregullim, kurdisje.

BALANCIM

BALANCÍM,~I m., libr. 1. Veprimi kur balancoj diçka; peshim, matje në peshore, baraspeshim. Balancimi i peshave. Balancimi i buxhetit. Mënyra (mekanizma) balancimi. Kontrolli i balancimit.
2. fig. Drejtpeshim. Balancimi i forcave. Arritën balancimin.
✱Sin.: peshim, baraspeshim, drejtpeshim.

GJYKIM

GJYKÍM,~I m. sh. ~E, ~ET 1. drejt. Veprimi kur gjykoj a gjykohem. Gjykimi në dy shkallë. Pezullimi i gjykimit.
2. sport. Ndjekje e zhvillimit të një ndeshjeje për zbatimin e rregullave nga lojtarët dhe dhënie e dënimeve për shkeljet e tyre. Gjykimi i ndeshjes.
3. edhe fig. Mendim i formuar për dikë a për diçka dhe i shprehur si vlerësim përfundimtar. Gjykim i drejtë. I matur në gjykime. Shpreh një gjykim.
4. Aftësi për të gjykuar drejt; pjekuri mendore, fuqi e arsyes. E ka humbur gjykimin.
5. logj. Formë e të menduarit për sendet e dukuritë dhe për tiparet e tyre. Gjykime të kundërta. Gjykim i rremë.
✱Sin.: arsyetim, peshim, arbitrim, mendim, pikëpamje, arsye, logjikë.

PASAKTË

PASÁKTË (i, e) mb. 1. Që nuk është matur, njehsuar a vlerësuar me përpikëri, që ka të meta, që nuk është bërë me përpikëri; që nuk e jep diçka me saktësi, jo i përpiktë, i papërpiktë; kund. i saktë. Peshim i pasaktë. Matje e pasaktë. Përfundim i pasaktë. Përgjigje e pasaktë. Punë e pasaktë. Lajm i pasaktë. Të dhëna të pasakta.
2. Që nuk mund t’i zësh besë me siguri, që e bën punën a detyrën pa kujdes e më të meta; i papërpiktë; kund. i saktë. Njeri i pasaktë.
✱Sin.: i papërpiktë, i gabuar, i pakujdesshëm, i çrregullt.

PESHIM

PESHÍM,~I m. sh. ~E, ~ET 1. Veprimi sipas kur peshoj ose kur peshohem.
2. fig., bised. Vëmendje e posaçme; kujdes i madh në një punë a veprim. E lexoi me peshim.
✱Sin.: gjykim, vlerësim, matje, përsiatje, përfillje, peshëmatje, ndikim, mëshim, rëndim, shqyrtim, rrahje, shoshitje.

PESHUAR

PESHÚAR,~IT (të) as. Peshim.

PESHËMATJE

PESHËMÁTJ/E,~A f., libr. 1. Matja e peshës a kontrollimi i peshës së diçkaje me anë të peshores (kryesisht për mallrat që nxirren në shitje); peshim. Kundërvajtje në peshëmatje.
2. Kontrollimi i saktësisë së peshoreve. Zyra e peshëmatjes zyra që merret me kontrollimin e peshoreve. Saktësia e peshëmatjes.

PËRFILLJE

PËRFÍLLJ/E,~A f. 1. Veprimi kur përfill dikë apo diçka ose kur përfillem.
2. Nderim dhe vlerësim që tregohet ndaj dikujt a diçkaje, konsideratë. E dëgjonin me përfillje. I shprehu përfilljen e tij të thellë.
✱Sin.: begenisje, begeni, sajdisje, sajdi, peshim, konsideratë, vlerësim, nderim, rëndësi, vëmendje, kujdes.

PËRSIATJE

PËRSIÁTJ/E,~A f. sh. ~E, ~ET 1. Veprimi kur përsiat ose kur përsiatem. Përsiatja e punës.
2. Të menduarit thellë, rrahja mirë me mend e gjërave për të gjetur shkaqet e arsyet e diçkaje, për të zbuluar të vërtetën, për t’i dhënë përgjigje një pyetjeje a një mëdyshjeje etj. Përsiatjet e poetit. Përsiatjet mbi natyrën (mbi jetën e njeriut).
✱Sin.: të menduar, rrahje, peshim, shqyrtim, shoshitje.

RËNDIM

RËNDÍM,~I m. sh. ~E, ~ET Veprimi dhe gjendja kur rëndoj dikë a diçka; veprimi dhe gjendja kur rëndohem. Rëndimi i fajit (i gabimit, i dënimit, i ndëshkimit). Rëndimi i buxhetit (i shpenzimeve). Rëndimi i taksave. Rëndimi i stomakut. Rëndim i sëmundjes (i situatës) agravim.
✱Sin.: peshim, anim, mëshim, keqësim, plogështim, lodhje, lëndim, fyerje, ofendim, theksim, anim, keqësim, acarim.

TEREZITJE

TEREZÍTJ/E,~A f., bised. 1. Gjendja kur e vë në terezi; vënie në rregull (për punët, për gjërat).
2. Veprimi kur terezit diçka; kur e vë në rregull, si duhet. Terezitja e punëve. Terezitja e armës. Terezitja e dokumenteve.
✱Sin.: baraspeshim, rregullim, matarim, matje, peshim, përgatitje.

TOROSHOSHJE

TOROSHÓSHJ/E,~A f., bised. Shoshitje mirë e një pune a e një çështjeje para se t’i futesh; shqyrtim i diçkaje nga të gjitha anët. Toroshoshja e mendimeve.
✱Sin.: shoshitje, stërshoshitje, rrahje, peshim, shqyrtim, analizim.

ÇMUARJE

ÇMÚARJ/E,~A f. sh. ~E, ~ET 1. Veprimi kur çmoj diçka a dikë ose kur çmohet. Çmuarja e dëmit. Çmuarja e mallit. Çmuarja e ngjarjeve.
2. drejt. Përcaktimi i vërtetësisë dhe fuqisë provuese të faktit. Çmuarje e provave penale.
✱ Sin.: vlerësim, llogaritje, lartësim, lavdërim, peshim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë