Fjalori

Rezultate në përkufizime për “peripeci”

Mëso si ta përdorësh
<<< Kthehu te kërkimi kryesor në fjalor

EMIGRANTE

EMIGRÁNT/E,~JA f. sh. ~E, ~ET Ajo që emigron përkohësisht a përgjithmonë për arsye të punësimit. Ka punuar si emigrante. Një emigrante shqiptare me banim në Itali. Kishte kaluar peripeci si emigrante. Emigrante të jashtëligjshme.

KALOJ

KAL/ÓJ vep., ~ÓVA, ~ÚAR 1. jokal. Lëviz më këmbë nga një vend në një vend tjetër (për njerëz dhe kafshë); eci diku; shkoj. Kalojnë vijat e bardha. Kalojnë rrugë (në urë). Kaloj me makinë.
2. jokal., vet. v. III Lëviz në një drejtim të caktuar (për një makinë, një mjet transporti etj.); vete. Kalon makina (treni, anija, avioni).
3. jokal., vet. v. III Rrjedh uji mbi një sipërfaqe; shkon uji (për lumin, përroin etj.). Kalon lumi (vija e ujit).
4. jokal., vet. v. III Ikën, shkon (për kohën). Kanë kaluar disa ditë (disa vjet) qysh atëherë. Kaloi koha.
5. edhe fig., jokal., kryes. v. III Mbaron a pushon së qeni; përfundon (jeta ose një dukuri, një ngjarje etj.). Kaluan pushimet. Kaloi ajo kohë iku ajo kohë, mbaroi, nuk është më ajo kohë. Kaloi lufta. Dasma (shfaqja) kaloi mirë (me sukses). Kaloi pandemia (sëmundja). Kaluan vuajtjet e shumta. I kaloi mosha u plak. I kaloi koha diçkaje (një ngjarjeje, një fenomeni) u vjetrua; nuk ka më vlerë për kohën e sotme. I kaloi zemërimi dikujt. Kaloi rinia jonë.
6. edhe fig., jokal., kryes. v. III Shkon a përcillet nga një dorë tek tjetra ose nga një brez tek tjetri etj. Topi i kaloi për duarsh topi preku duart, por i shpëtoi. Kultura (edukata, zakoni) kalon nga prindërit tek fëmijët.
7. jokal. Ndodhem a jam në një gjendje ose në një mënyrë të caktuar. Si kaloni? Ia kalojmë mirë.
8. edhe fig., jokal. Zhvendosem diku (në një shtëpi të re, në një punë tjetër etj.); shkoj në një nivel të ri, në një shkallë më të lartë ose më të ulët. Kam kaluar në një apartament të ri. Kaloj nga sulmi në mbrojtje. Kaloi në klasën e pestë. Kam kaluar në një punë të re. Kaloi në kategorinë e parë.
9. kal. Çoj, shpie diku (dikë a diçka). I kaloi degët (tullat) matanë murit.
10. edhe fig., kal. Arrij të bëj një punë a diçka tjetër duke mbledhur të gjitha forcat; kryej me sukses një veprim a një veprimtari të vështirë; kapërcej diçka (një pengesë, një mur); përballoj një sëmundje etj.; mposht; mund. Kaluam vështirësi (pengesa). E kalova perin në gjilpërë. Kaluan kufirin fshehurazi. E kaluam edhe këtë pandemi. Kam kaluar shumë peripeci.
11. fig., jokal. Nis të flas, të bëj një punë tjetër etj. (në rrethana a në kushte të caktuara). Kalojmë në pikën e dytë të rendit të ditës. E kaloi në heshtje problemin kryesor.
12. kal., vet. v. III (zakonisht me trajtë të shkurtër përemërore). Më shpëton diçka pa dashje. Më kaluan disa gabime.
✱Sin.: shkoj, vete, lëviz, rrjedh, mbaron, përfundon, kapërcej, hedh, përballoj, mposht, mund, shpëton.
♦ S’e kalon (s’e kapërcen) *avllinë (dikush). E kaloi (kapërceu) *cakun (dikush a diçka). S’e lë *diellin t’ia kalojë (dikush). I kaloi (i shkoi) *koha (dikujt a diçkaje). E kaloi (e kapërceu) *kufirin (dikush). E kaloi (e kapërceu) *masën (dikush). E kaloj *përanash (diçka). E kapërceu (e kaloi) *pragun (dikush a diçka). E kaloj nëpër *shoshë (dikë a diçka). Ia kalon *trashë (dikush).

NDESHTRASHË

NDESHTRÁSH/Ë,~AI f. sh. ~A, ~AT 1. kryes. sh. Ngjarje a ndodhi të paparashikuara në jetën e punën e përditshme të dikujt, të papriturat që ndesh njeriu gjatë jetës. Ndeshtrashat e jetës.
2. Hall, problem. Me një ndeshtrashë të madhe mbi krye.
3. Shenjë, e cila, sipas besëtytnive, lidhet me diçka të mirë a të keqe që do të ndodhë; fat i mirë a i keq që e pret dikë sipas besëtytnive. Ndeshtrashë e zezë. Ka lindur në ndeshtrashë. Ia blej ndeshtrashën dikujt ia zbuloj planet, qëllimet.
4. Urim, ogur; fat. Ndeshtrasha e mirë! Kam lindur me ndeshtrashë.
✱Sin.: ngjarje, ndodhi, e papritur, peripeci, shenjë, fatbardhësi, fat.

PERIPECI

PERIPECÍ,~A f. kryes. sh. ~, ~TË Ngjarje e papritur, zakonisht e keqe, që ndikon në jetën e dikujt, në zhvillimin e diçkaje etj.; pengesë a vështirësi e papritur, që na del përpara e që duhet ta kapërcejmë me përpjekje e me mundime; vuajtje, mundime. Jetë plot peripeci. Rrugë (udhëtim) me peripeci të mëdha. Pas shumë peripecive.

RREPTICË

RREPTÍC/Ë,~A f. sh. ~A, ~AT 1. Peripeci. Jetën e kaloi mes shumë rrepticash.
2. Fjalë të rrepta. Ia kishte përplasur disa rreptica në fytyrë.

VËSHTIRËSI

VËSHTIRËSÍ,~A f. sh. ~, ~TË 1. Të qenët i vështirë; kund. lehtësi. Vështirësia e punës (e detyrës).
2. Diçka që kërkon shumë mund, përpjekje a punë për ta bërë ose për ta arritur; pengesë që është e vështirë për t'u kapërcyer; gjendje e vështirë. Vështirësi të mëdha (të shumta). Vështirësi ekonomike. Vështirësitë e rritjes. Vështirësitë e natyrës (e motit). Vështirësitë në punë. Vështirësi në frymëmarrje (në gëlltitje). Has vështirësi. Ishte në vështirësi. Nxjerr (sjell) vështirësi. I kapërceu (i kaloi) vështirësitë. I përballuan vështirësitë. Nuk u dorëzuan para vështirësive.
✱Sin.: pengesë, mundim, peripeci, ngushtësi, sëkëlldi, zahmet, zor, shtrëngesë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë