Fjalori

Rezultate në përkufizime për “pentagram”

Mëso si ta përdorësh
<<< Kthehu te kërkimi kryesor në fjalor

BEMOL

BEMÓL,~I m., muz. Shenjë e posaçme që tregon se një notë ulet një gjysmë toni. Shenja e bemolit (♭). Në partiturë ka shumë bemole. Vënia e bemolit në pentagram.

NOTË

NÓT/Ë,~AI f. sh. ~A, ~AT 1. muz. Shenjë që përfaqëson një tingull muzikor sipas shkallës dhe gjatësisë; vetë tingulli kur këndohet ose luhet në një vegël; vet. sh. muz. tekst i një vepre muzikore, i shkruar me këto shenja; fletë ose fletore me tekste të pjesëve muzikore. Nota ”re”. Notë e plotë. Notë katërshe (tetëshe). Nota nën pentagram (mbi pentagram) Mësoj notat. Marr një notë këndoj me zë një tingull ose i bie në vegël. Këndoj (i bie) me nota. E hedh në nota. I vë përpara notat.
2. fig. Ngjyrimi që merr diçka e shprehur ose e shkruar sipas ndjenjave dhe qëndrimit të njeriut; tipar dallues që merr në shprehjen e jashtme një dukuri; veçori e shprehjes në një vepër artistike. Nota optimiste (të gëzuara). Nota të zymta (pesimiste). Nota lirike (dramatike). Nota shqetësimi (ironie). Sjell nota të reja (një notë të re).

PENTAGRAM

PENTAGRÁM,~I m. sh. ~E, ~ET muz. Pesë vija paralele, të hequra horizontalisht me largësi të barabartë njëra nga tjetra, së bashku me të katër hapësirat që formohen midis tyre, në të cilën shkruhen notat dhe shenjat e tjera muzikore. Notat sipër (nën) pentagram. Shkruaj në pentagram.

PENTAGRAMOHET

►PENTAGRAM/ÓHET jovep., ~ÚA (u), ~ÚAR pës., vet. v. III e PENTAGRAMÓJ. I ndjeshëm sa, as këndohet dhe as pentagramohet.

PENTAGRAMOJ

PENTAGRAM/ÓJ vep., ~ÓVA, ~ÚAR kal. Hedh në pentagram muzikën e një kënge etj.

PESËVIJËSH

PESËVÍJËSH,~I m. sh. ~A, ~AT muz. Pesë vija horizontale paralele dhe katër hapësira ndërmjet tyre, në të cilat shënohen notat; pentagram.

TAKT

TAKT,~III m. sh. ~E, ~ET 1. muz. Njësi metrike e një pjesë muzikore; shenjë grafike në trajtën e një vije pingule, që vihet në kufijtë e kësaj njësie në pentagram. Luajti (këndoi) disa takte.
2. gjuh. Pjesa më e shkurtër e kuptimshme e frazës që veçohet gjatë të folurit me anë të intonacionit dhe të ritmit; masë, kohë, ritëm. Takti i ligjërimit (takti ligjërimor).
3. spec. Pjesë e ciklit të plotë që kryen një mekanizëm gjatë punës. Takti i parë. Takti i pistonit të makinës. Fundi i taktit të shtypjes.

ZGJEDHËZ

ZGJÉDHËZ,~A f. sh. ~A, ~AT 1. zvog. Zgjedhë e vogël.
2. muz. Kllapa në pentagram, kur jepet ndonjë shpjegim për notat muzikore të shkruara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë