Fjalori

Rezultate në përkufizime për “pengcë”

Mëso si ta përdorësh
<<< Kthehu te kërkimi kryesor në fjalor

PENG

PÉN/G,~GU m. sh. ~GJE, ~GJET 1. Diçka me vlerë të madhe, që huamarrësi ia lë huadhënësit disa kohë për ta siguruar për kthimin e borxhit. Borxh me peng borxh që mund të merret duke lënë peng diçka. La (vuri) peng unazën (vathët, pajën, arën, shtëpinë). E la (e vuri) peng për një vit (për dy muaj).
2. Send a njeri që lihet në duar të një tjetri për të siguruar zbatimin e një marrëveshjeje, të një traktati etj.; rob që zihet e mbahet nga armiku për ta përdorur si mjet shkëmbimi me dikë tjetër, për të kërkuar lëshime a shpërblime nga kundërshtari etj. I morën peng fëmijët. E mbajtën peng. E dha (si) peng.
3. Merak i madh, pikë në zemër që ndien dikush për diçka që s’ka mundur ta bëjë; tëngë. Ma la peng.
4. fig. Shenjë e sigurisë për diçka. Peng nderimi (miqësie, besnikërie).
✱Sin.: pengcë, tëngë, befa, rehen, merak, ngjak, gjakim, gozhdë, djegë, sëmbim.
♦ E kam peng në zemër (në shpirt) (diçka) më ka mbetur një merak i madh për diçka që s’munda ta bëj; më shqetëson diçka që duhej ta kryeja; e kam pikë në zemër; e kam brengë (në zemër); e kam gozhdë (në zemër). S’ia lë peng në zemër (dikujt) nuk e lë të vuajë për diçka, ia plotësoj një kërkesë a një dëshirë që ka dikush. Më mbeti peng në zemër (në shpirt) (diçka) jam i pakënaqur që nuk e bëra diçka; kam shqetësim për diçka që duhej ta kryeja; e kam peng (në zemër); më mbeti brengë (në zemër); më mbeti gozhdë.

PENGCË

PÉNGC/Ë,~A f. sh. ~A, ~AT Gjëja që lihet peng. E la pengcë.

PENGË

PÉNG/Ë,~A f. sh. ~A, ~AT 1. Këmba që i vëmë dikujt përpara për ta penguar e për ta rrëzuar, këmbëz, stërkëmbës. I vuri pengën. E rrëzoi me pengë.
2. Pengore për kafshët.
✱Sin.: pengëz, pengore, pengojcë, pengcë, stërkëmbës, këmbëz, nënkëmbëze.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë