Fjalori

Rezultate në përkufizime për “pedant”

Mëso si ta përdorësh
<<< Kthehu te kërkimi kryesor në fjalor

FORMALIST

FORMALÍST,~E mb. 1. Që është karakteristik për një njeri, i cili shikon vetëm formën dhe lë mënjanë përmbajtjen, që i jep rëndësi vetëm anës së jashtme; formal. Mban qëndrim formalist.
2. filoz. Që mbështetet në formalizëm; që ndjek e përkrah formalizmin. Analizë formaliste.
3. let., art. Që mbështetet në formalizëm; që krijon sipas rrymës së formalizmit, që përkrah a ndjek formalizmin. Art formalist. Letërsi formaliste. Estetët formalistë.
✱Sin.: formal, pedant.

HOLLIMTAR

HOLLIMTÁR,~E mb. 1. Që mendon hollë; i zgjuar.
2. libr. Që kapet pas hollësirave; pedant.
✱Sin.: i mprehtë, i zgjuar, pedant.

PEDANT

PEDÁNT,~I m. sh. ~Ë, ~ËT Ai që merret jashtë masës me hollësirat e vogëlsirat dhe përpiqet vetëm që të jetë formalisht në rregull, njeri i vogëlsirave; ai që plotëson në mënyrë tepër të theksuar a verbërisht kërkesat formale, duke ndjekur e zbatuar pikë për pikë vetëm atë që është shkruar në një udhëzim a vendim, në një studim etj. dhe duke parë e vlerësuar mbi të gjitha anën e jashtme të gjërave, pa marrë parasysh rrethanat konkrete e pa hyrë në thelbin e çështjeve; formalist. Është pedant i madh. Qëndrim prej pedanti.

PEDANT

PEDÁNT,~E mb. Që ka tipare pedanti; që karakterizon një njeri të tillë. Njeri pedant. Mësues (drejtues, nëpunës) pedant. Sjellje pedante.
✱Sin.: formalist, skolastik, talmudist.

PEDANTIZËM

PEDANTÍZ/ËM,~MI m. Të qenët pedant, veprim, qëndrim a sjellje prej pedanti. Shfaqje të pedantizmit. Ra në pedantizëm.
✱Sin.: formalist, skolastik, talmudist.

SKOLASTIK

SKOLASTÍK,~E mb. 1. Që ka të bëjë me filozofinë e skolastikës, i skolastikës. Filozofët skolastikë u mbështetën në mendimin racional. Teoritë idealiste skolastike u përpoqën të ndërthurnin idetë e filozofisë antike me doktrinën e krishterë.
2. fig. Që është i shkëputur nga jeta e gjallë; që kapet pas formës së jashtme, në dëm të thelbit të gjërave dhe që mbështetet në arsyetime të thata e të pafrytshme, pa marrë parasysh të dhënat e përvojës e të praktikës. Arsyetimet skolastike nuk ishin më të mjaftueshme. Trajtimi skolastik i problematikave nuk ishte aq bindës. Paraqitja skolastike e mendimit të tij nuk ishte e mjaftueshme.
3. fig. Që u jep rëndësi të tepruar gjërave të vogla e të dorës së dytë, që arsyeton në mënyrë abstrakte e të pafrytshme, pedant. Mësuesi kishte metoda skolastike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë