Fjalori

Rezultate në përkufizime për “pazotësi”

Mëso si ta përdorësh
<<< Kthehu te kërkimi kryesor në fjalor

DOBËSI

DOBËSÍ,~A f. ~, ~TË 1. Të qenët i dobët nga trupi a nga shëndeti; gjendje jo e shëndoshë e gjithë trupit ose e një pjese a e një organi të tij; gjendje e tillë, kur dikujt i janë pakësuar fuqitë e aftësitë fizike; pafuqi; kund. fuqi, forcë. Dobësi e madhe (e përgjithshme). Dobësia e trupit (e krahëve, e këmbëve, e muskujve, e zemrës, e trurit, e syve, e veshëve). Dobësia e pleqërisë. Ndien dobësi pas sëmundjes. E ka nga dobësia.
2. Vetia dhe gjendja e diçkaje të dobët, të pafuqishme, të paqëndrueshme, të brishtë, të zbehtë, të pamjaftueshme, të pakënaqshme etj.; ultësi, mungesë force, brishtësi. Dobësia e qelqit (e letrës). Dobësia e pulsit. Dobësia e erës (e rrjedhës së lumit). Dobësia e dritës. Dobësia e ngjyrave. Dobësia e zërit. Dobësia e nuhatjes (e ndijimit, e kujtesës). Dobësia e rrymës elektrike. Dobësia e kundërshtarit. Dobësia e shtetit (e regjimit). Dobësia e ekonomisë.
3. Të qenët me karakter e me vullnet të dobët, me aftësi mendore e me njohuri mjaft të kufizuara; e metë; mungesë, pikë e dobët. Dobësia e argumenteve (e arsyetimit). Dobësia e vullnetit (e karakterit). Dobësitë e nxënësve (e mësuesve, e klasës). Dobësitë e prindërve. Dobësitë në punë (në stërvitje, në lojë). Dobësitë në sulm (në mbrojtje). Dobësitë në formimin e përgjithshëm. Dobësitë në përgatitjen e specialistëve. Ka dobësi të vogla (të mëdha). Dobësitë e të tjerëve i shohim me sytë e rrëqebullit, dobësitë tona, me sytë e urithit. (fj. u.).
4. Dashamirësi e dashuri e veçantë; parapëlqim e dëshirë e theksuar për diçka. Ka dobësi pikturën (teatrin, baletin etj.). Ka një dobësi për futbollistët (për skuadrën “Skënderbeu”, për punëtorët, për malësorët, për shkodranët...). Ka një dobësi për motrën e vogël. Ka një dobësi për këpucët me qafa (për filmat me luftë).
✱Sin.: pafuqi, flashkësi, paaftësi, pazotësi, mungesë, zbehtësi, anemi.

KËRPAÇËRI

KËRPAÇËRÍ,~A f., bised., mospërf. Të qenët kërpaç; punë me cilësi shumë të dobët; pazotësi në profesion a në zanat. Kërpaçëria e disa mjekëve.

MEDIOKRITET

MEDIOKRITÉT,~I m. sh. ~E, ~ET libr. 1. Aftësi e rëndomtë e dikujt; pazotësi, të qenët mediokër. Shquhej për mungesë talenti e për një mediokritet të sigurt. Nuk i nënshtrohem mediokritetit.
2. Vlerë ose cilësi e papërfillshme e dikujt a e diçkaje.
3. Njeri me aftësi të kufizuara, njeri i pazoti, njeri mediokër. Ka talente dhe mediokritete. Mediokritetet politike vullnetare nuk mendojnë politikisht me kokën e vet.
4. Vepër e dobët, pa ndonjë vlerë të veçantë, vepër a punë prej mediokrish. Ka pasur shumë mediokritete. Prototipa mediokritetesh artistike gjen mjaft.

PAAFTËSI

PAAFTËSÍ,~A f. 1. Të qenët i paaftë; mungesë aftësie. Paaftësi e përkohshme. Paaftësi mendore (fizike). Paaftësia për punë.
2. Pamundësi për të përballuar diçka (një vështirësi, një fatkeqësi etj.); kund. aftësi. Paaftësi e përkohshme. Paaftësi ligjore (drejt.).
3. Mungesa e prirjes a e aftësisë për të kryer mirë e shpejt punën ose detyrën, pazotësi; kund. zotësi. E hoqën për paaftësi.
✱Sin.: pazotësi, pamundësi, dobësi, kërpaçëri.

PAZOTËSI

PAZOTËSÍ,~A f. Të qenët i pazoti, vetia e atij që është i pazoti; mungesë zotësie, paaftësi. Pazotësia për të drejtuar (për të bindur njerëzit). Për shkak të pazotësisë. Tregoi pazotësi.

PAZOTËSISHT

PAZOTËSÍSHT ndajf. Me pazotësi; kund. zotësisht. E humbi pazotësisht. Padashur apo pazotësisht, mund të bjerë në gabim të një mohimi të padrejtë.

ZOTËSI

ZOTËSÍ,~A f. Aftësia që ka dikush për të kryer diçka, të qenët i zoti; kund. pazotësi. Zotësi e rrallë. Zotësi në punë. Tregoi zotësi. Duhet zotësi. E përdor me zotësi. Me një zotësi të rrallë mundi t’u shpëtojë goditjeve të rrufeshme të shpatave. Drejton (udhëheq) me zotësi. Nuk i mungon zotësia. Në atë vend e ka çuar zotësia. Mos i shiko bukurinë, po çmoji zotësinë. (fj. u.).
✱Sin.: aftësi, prirje, shkathtësi, mjeshtëri, djathtësi, kapacitet, kërçik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë