Fjalori

Rezultate në përkufizime për “pazëshëm”

Mëso si ta përdorësh
<<< Kthehu te kërkimi kryesor në fjalor

AFONIK

AFONÍK,~E mb. 1. Që ka të bëjë me afoninë, i afonisë.
2. mjek. Që vuan nga afonia, që është i pagojë, që nuk mund të flasë fare, memec.
3. fiziol., gjuh. Që shqiptohen pa zë, që shqiptohen si pëshpëritje. Të folur afonik.
✱Sin.: i pazëshëm, memec.

HESHTUR

HÉSHTUR,~I (i) m. sh. ~, ~IT (të) Ai që rri heshtur a urtë, që nuk nxjerr zë. Folën edhe të heshturit.
✱Sin.: gojëmbyllur, gojëkyçur, buzëkyçur, i pafjalë, heshturak, i pazë, i pazëshëm, i urtë, i qetë, i përmbajtur, i matur, i pashpallur.

PAZË

PAZË́ (i, e) mb. 1. I pazëshëm. Njeri i pazë.
2. I qetë; i tillë ku ka qetësi të plotë e nuk ndihet asnjë zë, i heshtur (për një mjedis a një vend). Vend i pazë. Shkretëtirë e pazë.
✱Sin.: i pazëshëm, i qetë, i heshtur, i urtë.

PAZËSHMËRI

PAZËSHMËRÍ,~A f., libr. 1. Të qenët i pazëshëm; të ndenjurit në heshtje dhe pa e ngritur zërin për çështje të ndryshme jetike; kund. zëshmëri. Pazëshmëria e deputetëve.
2. gjuh. Të qenët i pazëshëm, i shurdhët, vetia e një tingulli që është i pazëshëm; kund. zëshmëri. Pazëshmëria e disa tingujve bashkëtingëllorë.

TINGULL

TÍNGU/LL,~LLI m. sh. ~J, ~JT 1. Zë i hollë e i kumbueshëm, që përftohet nga dridhja e valëve të ajrit a e një mjedisi tjetër kur godasim diçka (një send prej metali, prej xhami etj.); ndjesi dëgjimore e krijuar nga një valë akustike; ajo që dëgjojmë. Tingull i dobët (i lehtë, i fortë). Tingulli i ziles (i kambanës, i këmborës). Lëshon (nxjerr) tinguj. Dëgjohen tinguj.
2. muz. Zë që nxjerr një vegël muzikore; vëllimi, intensiteti i zërit të një pajisjeje. Tingull muzikor. Tingull i ëmbël. Tinguj të gëzueshëm. Tingujt e violinës (e kitarës, e fizarmonikës). Nën tingujt e orkestrës. Dëgjohen tingujt e pianos.
3. gjuh. Zë me një shqiptim të shkoqur, që prodhohet me anë të lëvizjeve të organeve të të folurit; njësia më e thjeshtë e të folurit. Tingujt e gjuhës shqipe. Tingull zanor (bashkëtingëllor). Tingull hundor. Tingull i zhurmët. Tingull i zëshëm (i pazëshëm). Tingull shushuritës. Tinguj fonetikë. Tingujt e të folurit. Tingull grykor-qiellzor. Shqiptoj qartë tingujt i nyjëtoj. Bashkimi i tingujve. Rënia e tingujve.
4. fig. Shprehje e përmbajtjes së diçkaje, tingëllim. Ka një tingull të ri.
✱Sin.: zë, tingëllim.

ZANORËZOJ

ZANORËZÓ/J vep., ~ÓVA, ~ÚAR gjuh., kal. Kthej një tingull të pazëshëm në të zëshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë