Fjalori

Rezultate në përkufizime për “pavënëre”

Mëso si ta përdorësh
<<< Kthehu te kërkimi kryesor në fjalor

PADIKTUAR

PADIKTÚAR (i, e) mb. Që nuk është i diktuar; që nuk është diktuar, i pazbuluar, i pavënëre; kund. i diktuar.
✱Sin.: i pazbuluar, i pavënëre, i fshehur, i fshehtë.

PAPARË

PAPÁRË (i, e) mb. 1. Që nuk e kemi parë ndonjëherë; i panjohur; kund. i parë. Fytyrë e paparë. Njeri i paparë.
2. Që nuk e njeh mirë botën, që nuk i ka parë shumë vende e shumë gjëra; kund. i parë. Njeri i paparë.
3. bised. Që nuk është ngopur ndonjëherë, i babëzitur. Hante si i paparë.
4. Që nuk është parë a nuk është dëgjuar ndonjë herë tjetër; shumë i madh, i pashoq, i jashtëzakonshëm. Hov (vrull) i paparë. Përpjesëtime të papara. Ritme të papara.
✱Sin.: i panjohur, i pavënëre, i pashëtitur, i babëzitur, i pangjarë, i padëgjuar, i jashtëzakonshëm, i pashoq, i padalë, i pabredhur, i pagjezdisur, lakmitar, i rrallë, pashembullt, i pakarakter, i paparim, i paqëndrueshëm, i pavendosur, matrapaz.

PAPIKASUR

PAPIKÁSUR (i, e) mb. Që nuk është pikasur, i pazbuluar, i pavënëre; kund. i pikasur. Objekte të papikasura. Dronë (silurë) të papikasur.

PASPIKATSHËM

PASPIKÁTSH/ËM (i), ~ME (e) mb. Që nuk mund të spikatet; i padallueshëm, i pavërejtshëm; kund. i spikatshëm.
✱Sin.: i paspikatur, i pavënëre, i padallueshëm, i pavërejtshëm.

PASPIKATUR

PASPIKÁTUR (i, e) mb. Që nuk është i spikatur; që nuk është spikatur; i pavënëre, i padalluar; kund. i spikatur. Imazh (zë) i paspikatur.
✱Sin.: i pavënëre, i padalluar, i pavërejtur.

PAVËNËRE

PAVËNËRÉ (i, e) mb. Që nuk është vënë re; që nuk i është kushtuar vëmendje, që nuk vihet re, që nuk bie në sy, i paparë. Dukuri e pavënëre. Tipar i pavënëre.

PAVËREJTSHËM

PAVËRÉJTSH/ËM (i), ~ME (e) mb. Që nuk është i vërejtshëm, i pavënëre; kund. i vërejtshëm. Ndryshim i pavërejtshëm.
✱Sin.: i pavënëre, i paparë, i padukshëm, i padallueshëm, i pavëzhgueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë