Fjalori

Rezultate në përkufizime për “pastor”

Mëso si ta përdorësh
<<< Kthehu te kërkimi kryesor në fjalor

BAPTIST

BAPTÍST,~E mb., fet. 1. Që i përket baptistit dhe baptizmit; që është pjesëtar i rrymës fetare baptiste. Predikuesi (pastor) baptist. Besimet baptiste. Kisha e hershme baptiste. Botim baptist për historinë e fesë.
2. si em. m. e f. Sipas kuptimit të mbiemrit. Baptistët anglezë. Komunitet i vogël baptistësh. Baptistët njihen për rëndësinë që i japin pagëzimit me zhytje.

METODIST

METODÍST,~E mb. 1. Që është specialist i metodikës së mësimdhënies në shkollë. Mësues metodist.
2. fet. Që i përket Kishës Metodiste, që lidhet me Kishën Metodiste, i Kishës Metodiste. Pastor metodist.

MINISTËR

MINÍST/ËR,~RI m. sh. ~RA, ~RAT 1. Anëtar i qeverisë që drejton një ministri. U emërua ministër. Ministri bëri emërimet e reja. Vjen Ministri i Mbrojtjes. Dëgjoj Ministrin e Financave. Ministër fuqiplotë (dipl.) i dërguar i jashtëzakonshëm pranë qeverisë së një vendi tjetër, i një shkalle më të ulët se ambasadori. Ministër pa portofol (dipl.) anëtar i qeverisë, që kryen një detyrë të rëndësishme në Këshillin e Ministrave, por nuk drejton ndonjë ministri. Ministër shteti (dipl.) ministër pa portofol.
2. fet. Person i ngarkuar për të kryer shërbesën e krishterë, veçanërisht në një kishë protestante; prifti në detyrë që kryen ceremoninë e krishterë: meshë, pagëzim, krezmim etj.
✱Sin: zyrtar, ambasador, diplomat, politikan, klerik, prift, pastor.

PASTOR

PASTÓR,~I m. sh. ~Ë, ~ËT Mbikëqyrës shpirtëror, klerik që i shërben një kishe ose famullie vendore. Martin Luter Kingu ishte një pastor jashtëzakonisht i adhuruar prej zezakëve në krejt botën, por i çmuar e i dashur edhe prej të bardhëve të Amerikës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë