Fjalori

Rezultate në përkufizime për “pashtëpi”

Mëso si ta përdorësh
<<< Kthehu te kërkimi kryesor në fjalor

PACANG

PACÁNG (i, e) mb. I pashtëpi, i pastrehë. Njerëz të pacangë.

PADERË

PADÉRË (i, e) mb. 1. Që nuk ka derë. Kullë e paderë.
2. fig. Që nuk ka shtëpi, që nuk ka familje. Njeri i paderë.
✱Sin.: i pashtëpi, i pafamilje.

PAKATANDI

PAKATANDÍ (i, e) mb. I varfër. Ishte i pashtëpi e i pakatandi.

PASEND

PASÉND (i, e) mb. I varfër, i këputur, varfanjak; i pashtëpi. Njerëz të pasend.

PASHTËPI

PASHTËPÍ (i, e) mb. 1. Që nuk ka shtëpi ku të banojë, i pastrehë. Ishin të varfër e të pashtëpi.
2. keq. Që endet a bredh rrugëve, që s’mblidhet në shtëpi; rrugaç. Djalë i pashtëpi.
✱Sin.: i pastrehë, i pastrehuar, endacak, i pangulur, i varfër, rrugaç.

PASTREHUAR

PASTREHÚAR (i, e) mb. 1. Që nuk është strehuar ende në një banesë. Familje e pastrehuar. Ka mbetur ende i pastrehuar.
2. Që është lënë jashtë i zbuluar e i pambrojtur, që nuk është futur gjëkundi. Kafshë të pastrehuara.
✱Sin.: i pastrehë, i pashtëpi, i pambrojtur, i zbuluar.

PASTREHË

PASTRÉHË (i, e) mb. 1. Që nuk ka strehë; i zbuluar (për një ndërtesë).
2. fig. Që nuk ka shtëpi, që nuk ka ku të banojë, i pashtëpi; shumë i varfër, i këputur. Njeri i pastrehë. Fëmijë i pastrehë.
✱Sin.: i zbuluar, i pashtëpi, i pastrehuar, i paoxhak, i varfër, i këputur.

PAÇATI

PAÇATÍ (i, e) mb. 1. Që nuk ka çati (për një shtëpi etj.), që është i pambuluar.
2. Që nuk ka shtëpi apo banesë ku të rrijë, i pashtëpi, i pastrehë.
✱Sin.: i pambuluar, i pastrehë, i pashtëpi.

RRUGAÇ

RRUGÁÇ,~E mb., bised. 1. Që rri rrugëve, që nuk ka një vendbanim të përhershëm jetese, endacak. Djem rrugaçë. Vajza rrugaçe.
2. Që sillet e vepron keq në shoqëri, i paedukatë. Fëmijë rrugaçë.
✱Sin.: rrugacak, rrugësh, rrugëmadh, i pashtëpi, vagabond, lamash, laper.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë