Fjalori

Rezultate në përkufizime për “pashpallur”

Mëso si ta përdorësh
<<< Kthehu te kërkimi kryesor në fjalor

HESHTUR

HÉSHTUR,~I (i) m. sh. ~, ~IT (të) Ai që rri heshtur a urtë, që nuk nxjerr zë. Folën edhe të heshturit.
✱Sin.: gojëmbyllur, gojëkyçur, buzëkyçur, i pafjalë, heshturak, i pazë, i pazëshëm, i urtë, i qetë, i përmbajtur, i matur, i pashpallur.

PADEKLARUAR

PADEKLARÚAR (i, e) mb., libr. Që nuk është bërë i njohur botërisht a zyrtarisht si i tillë, që nuk është deklaruar, që nuk është shpallur si i tillë, i pashpallur; kund. i deklaruar. Pasuri e padeklaruar. Pagë (shumë) e padeklaruar. Të ardhura të padeklaruara. Luftë e padeklaruar.
✱Sin.: i pashpallur, i pashprehur.

PASHPALLUR

PASHPÁLLUR (i, e) mb. Që nuk është shpallur botërisht a zyrtarisht; që bëhet pa zhurmë a që pranohet në mënyrë të heshtur; kund. i shpallur. Luftë e pashpallur. Garë ë pashpallur. Sundimtar i pashpallur.
✱Sin.: i padeklaruar, i heshtur, i pashprehur.

PASHPREHUR

PASHPRÉHUR (i, e) mb. 1. Që nuk është shprehur me gojë ose me shkrim, por që nënkuptohet; që nuk është thënë kund. i shprehur. Mendime të pashprehura. Pyetje (përgjigje, lutje, kërkesë) e pashprehur. Kryefjalë (gjymtyrë) e pashprehur (gjuh.) kryefjalë (gjymtyrë) që mungon a që nuk është shprehur në fjali, por nënkuptohet.
2. I pashprehshëm. Gëzim i pashprehur.
✱Sin.: i pashprehshëm, i pathënë, i pashkruar, i padeklaruar, i pashpallur.

SHPALLUR

SHPÁLLUR (i, e) mb. 1. Që është bërë i njohur si i tillë, që njihet prej të gjithëve si i tillë; i hapur, jo i fshehtë. Armiqtë e shpallur e të pashpallur.
2. Që është botuar, që është shtypur në një gazetë zyrtare. Dekretet (ligjet) e shpallura.
✱Sin.: i hapur, i njohur, i deklaruar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë