Fjalori

Rezultate në përkufizime për “pashkrirë”

Mëso si ta përdorësh
<<< Kthehu te kërkimi kryesor në fjalor

BALMUQ

BALMÚQ,~I m. Dhjamë derri i pashkrirë dhe i mbledhur shuk. Në dimër gatuanin më shumë me balmuq.

PASHKRIRË

PASHKRÍRË (i, e) mb. Që nuk është shkrirë; jo i shkrirë, i ngrirë; i patretur; kund. i shkrirë, i tretur. Akull i pashkrirë. Borë e pashkrirë. Dyllë (gjalpë) i pashkrirë. Hekur (çelik, plumb) i pashkrirë.
✱Sin.: i patretur, i ngrirë, i ngurtësuar.

PATRETUR

PATRÉTUR (i, e) mb. 1. Që s’është tretur duke e zier a duke e ngrohur, i pashkrirë (për lëndë të ngurta); kund. i tretur. Gjalpë i patretur. Dyllë i patretur. Mbeti bora e patretur.
2. Që nuk është tretur në stomak; që nuk është përvetësuar nga organizmi (për lëndët ushqyese); kund. i tretur. I mbeti ushqimi i patretur.
3. Që s’është kalbur ende, që s’është prishur a që s’është tretur nga dheu (për një kufomë); kund. i tretur, i prishur. Trup i patretur. U gjend i patretur.
✱Sin.: i pashkrirë, i paprishur, i padekompozuar, i papërvetësuar, i pakalbur, i pashpërbërë.

SMET

SMET,~I m. sh. ~E, ~ET Vend me borë të pashkrirë. E ndihmuan barinjtë të kalonte smetin në bjeshkë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë