Fjalori

Rezultate në përkufizime për “pashfrytëzueshëm”

Mëso si ta përdorësh
<<< Kthehu te kërkimi kryesor në fjalor

NDALUAR

NDALÚAR (i, e) mb. 1. Që nuk lejohet të përdoret a të shfrytëzohet (zakonisht me urdhër a me ligj); që nuk lejohet të bëhet. Libër i ndaluar. Televizionet e huaja ishin të ndaluara. Zonë e ndaluar për kullotje. Me udhë (me rrugë) të ndaluar. Me mjete të ndaluara. Bashkëjetesë e ndaluar (drejt.). Është e ndaluar. I ndaluar me ligj. Mallra të ndaluara. Bimë (substancë) e ndaluar. Rreptësisht të ndaluara.
2. Që i është hequr liria nga forcat policore; që është arrestuar. Kriminel i ndaluar nga policia.
✱Sin.: i ndërprerë, i papërdorshëm, i pashfrytëzueshëm, i palejueshëm, tabu, i pezulluar, i arrestuar, i paraburgosur.
♦ *Mollë e ndaluar libr.

PAPËRDORSHËM

PAPËRDÓRSH/ËM (i), ~ME (e) mb. Që është në gjendje të keqe ose i papërshtatshëm për ta futur në punë; që nuk mund të përdoret për diçka; kund. i përdorshëm. Enë e papërdorshme. Teprica të papërdorshme,
✱Sin.: batall, i papijshëm, i pangrënshëm, i pakonsumueshëm, i pashfrytëzueshëm, i papërshtatshëm, i pakollajshëm, i pavolitshëm, i vjetruar, i prishur.

PAPËRDORUESHËM

PAPËRDORÚESH/ËM (i), ~ME (e) mb. Që nuk është i përdorueshëm; i papërdorshëm, i pashfrytëzueshëm.
✱Sin.: i papërdorshëm, i pashfrytëzueshëm.

PASHFRYTËZUESHMËRI

PASHFRYTËZUESHMËRÍ,~A f. Të qenët i pashfrytëzueshëm; kund. shfrytëzueshmëri. Pashfrytëzueshmëri e kapaciteteve financiare (ekonomike, njerëzore). Pashfrytëzueshmëria e burimeve ujore (e burimeve energjetike).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë