Fjalori

Rezultate në përkufizime për “parodi”

Mëso si ta përdorësh
<<< Kthehu te kërkimi kryesor në fjalor

BURLESKË

BURLÉSK/Ë,~A f. sh. ~E, ~ET 1. let. Një nga llojet e poezisë humoristike; vjershë tregimtare për të qeshur, në të cilën tema e madhe dhe e rëndësishme përshkruhet në mënyrë ironike e parodike; komedi e shkurtër; parodi. Burleskë zbavitëse (plot humor). Burleska franceze. Burleskë satirike.
2. teatr. Imitim komik që karikaturizon deri në absurd dikë a një vepër serioze. Burleskë teatrale.

ESTRADË

ESTRÁD/Ë,~A f. sh. ~A, ~AT 1. Gjini e vogël e artit skenik me skeçe, parodi, këngë; shfaqje argëtuese me këto pjesë. Teatri i estradës. Shfaqje estrade. Numër estrade. Aktor (këngëtar) estrade. Personazhi komik më i përhapur në estrada.
2. Trupa që merret me këtë lloj arti. Estradë profesioniste (amatore). Salla e estradës. Punoj në estradë.
3. fig. Ndodhi a dukuri që shkakton të qeshura. Fantazi estradash. Parlamenti nuk është vend për estradë. Meraku për të shmangur estradat.
4. Podium. Në një estradë druri dy të rinj u binin fizarmonikave. Zbres nga estrada.

IMITIM

IMITÍM,~I m. sh. ~E, ~ET libr. 1. Veprimi kur imitoj ose kur imitohem. Imitim i verbër. Imitimi i zërit. Imitimi i poezisë popullore.
2. Gjë që është bërë njëlloj me diçka tjetër, e cila është marrë si gjedhe, diçka që është bërë sipas shëmbëllimit të një tjetre.
✱Sin.: shkërbim, imitacion, kopjim, përqeshje, majmunëri, tallje, parodi, riprodhim.

PARODI

PARODÍ,~A f. sh. ~, ~TË 1. let. Imitim qesharak a satirik i një vepre letrare, i stilit të saj etj.; vepër letrare satirike që imiton në mënyrë qesharake a satirike një vepër letrare serioze, stilin e saj etj..
2. Pjesë satirike për teatrin e humorit, që zakonisht këndohet. Parodi e njohur. Program me parodi.
3. fig. Përngjasim qesharak që i bëhet diçkaje për ta venë në lojë; diçka e ngjashme me një tjetër, por e pa goditur dhe e shtrembëruar. Parodi e jetës.

PARODIK

PARODÍK,~E mb. Që ka të bëjë me parodinë, që është karakteristike për parodinë, i parodisë; që është si parodi. Konfuzioni i veprimit dhe situatat absurde e paradoksale i japin rrëfimit natyrë ekscentrike, ironike, parodike, groteske.

PARODIST

PARODÍST,~I m. sh. ~Ë, ~ËT 1. let. Ai që shkruan parodi. Autor parodish.
2. teatr. Interpretues parodish. Parodistët e Vlorës.

PARODISTE

PARODÍST/E,~JA f. sh. ~E, ~ET 1. let. Ajo që shkruan parodi. Autore parodish.
2. teatr. Interpretuese parodish.

PARODIZOJ

PARODIZ/ÓJ vep., ~ÓVA, ~ÚAR kal. 1. let. Imitoj një vepër letrare, stilin e saj etj. në mënyrë qesharake e satirike.
2. E kthej një vepër, një pjesë etj. në parodi; shkruaj një parodi.
3. Vë në lojë me një pjesë satirike dikë a diçka, duke i theksuar e duke kritikuar anët e dobëta, të metat etj. Parodizon të metat (gabimet).
4. E paraqit dikë a diçka në mënyrë qesharake e satirike; e imitoj dikë a diçka në mënyrë komike.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë