Fjalori

Rezultate në përkufizime për “parazitar”

Mëso si ta përdorësh
<<< Kthehu te kërkimi kryesor në fjalor

ANTIPARAZITAR

ANTIPARAZITÁR,~E mb., farm. Që lufton parazitët; që përdoret për të trajtuar e kuruar infeksionet e shkaktuara nga parazitët; kund. parazitar. Bar antiparazitar. Trajtim antiparazitar. Efektet antiparazitare.

ANTIPARAZITAR

ANTIPARAZITÁR,~I m. sh. ~Ë, ~ËT farm. Bar, pesticid etj. kundër parazitëve ose përdoret për të trajtuar e kuruar infeksionet e shkaktuara nga parazitët; kund. parazitar. Trajtimi me antiparazitarë. Veprimi i antiparazitarëve natyrorë. Mjekimi lokal me antiparazitarë. Antiparazitarë për qentë.

AUTOINFEKSION

AUTOINFEKSIÓN,~I m. sh. ~E, ~ET mjek. Infektimi i një organizmi nga mikrobet që tashmë gjenden në trup, si rrjedhojë e dobësimit të sistemit mbrojtës; infektim që bartet prej një pjese të trupit në pjesën tjetër të tij; vetinfektim. Autoinfeksion parazitar (virusal, bakteror). Përsëritje e autoinfeksionit. Parandalimi i autoinfeksionit.

AVGELLË

AVGÉLL/Ë,~A f. sh. ~A, ~AT zool. (lat. Hirudo medicinalis) Krimb parazitar i ujërave të ëmbla, i zhdërvjellët, me trup unazor, që ushqehet me gjakun e kafshëve të ndryshme duke u ngjitur në trupin e tyre. Avgella e drithërave. Avgella e qershisë.
✱Sin.: shushunjë, ushunjëz, fushulë, piavicë.

BUBASH

BUBÁSH,~I m. sh. ~Ë, ~ËT zool. (lat. Ascaris lumbricoides) Krimb parazitar në zorrët e fëmijëve; rre, bubcë. Bar bubash.

BUBCË

BÚBC/Ë,~A f. sh. ~A, ~AT zool. (lat. Ascaris lumbricoides) Krimb parazitar në zorrët e fëmijëve; rre, glistër. Bar kundër bubcave.

KËRPUDHOR

KËRPUDHÓR,~E mb. 1. bot. Që ka të bëjë me kërpudhën ose me familjen e kësaj bime; i ngjashëm me natyrën a me veçoritë e kërpudhave; parazitar. Bimë kërpudhore.
2. spec. Që lidhet me sëmundjen e kancerit që shfaqet në trajtën e tumorit; tumoral; kanceroz. Tumor kërpudhor.
✱Sin.: i kërpudhtë, tumoral, parazitar.

KËRPUDHTË

KËRPÚDHTË (i, e) mb. Kërpudhor; parazitar.

KËRPUDHË

KËRPÚDH/Ë,~A f. sh. ~A, ~AT 1. bot. (lat. Fungus) Bimë e tultë dhe pa klorofil me një kësulë si ombrellë, që shumëzohet me spore dhe rritet nëpër livadhe a pyje. Kërpudhë e ngrënshme kuqëlore, kësulëkuqe. Kërpudha të thara. Kërpudhë qeni (gjarpri, e helmët) kërpudhë që nuk hahet. Kërpudhë dashe kërpudhë në ngjyrë trëndafili a rozë; kuqëlore. Këmba (kësula) e kërpudhës. Mbledh (ziej, fërgoj, pjek) kërpudha.
2. bot. Tumor a mikroorganizëm parazitar, që zhvillohet nga lagështira e tepërt kryesisht në trupin e bimëve, të drithërave etj.; myshk. Kërpudha e grurit. Kërpudha e thekrës.
3. mjek. Sëmundja e rëndë ose kanceri që shfaqet në organizmin e njeriut dhe të kafshëve frymore.
4. në sh. Emërtim i përgjithshëm për të gjitha llojet e bimëve barishtore që shumëzohen me spore. Kafshët ushqehen edhe me kërpudha.
✱Sin.: kuqëlore, myshk, myk, tumor, ndryshk.
♦ Kërpudha pas shiut mospërf. diçka me shumicë, që vjen menjëherë e me bollëk; kërminj pas shiut.

NDËRKRYZË

NDËRKRÝZ/Ë,~A f., veter. Infeksion parazitar nga larvat e krimbave të shiritit, të cilat vendosen kryesisht në muskuj e në tru.

PARAZIT

PARAZÍT,~E mb. 1. Parazitar. Krimba parazitë. Kërpudha parazite.
2. fig., keq. Që jeton si parazit. Jetë parazite. Njeri parazit.

PARAZITAR

PARAZITÁR,~E mb. 1. Që përbëhet prej parazitësh; që ka të bëjë me parazitin ose me parazitët; që shkaktohet nga parazitët. Kafshë (bimë) parazitare. Sëmundje parazitare.
2. Që rron si parazit. Njeri parazitar. Jetë parazitare.

PLAZMOD

PLAZMÓD,~I m. sh. ~E, ~ET zool. Parazitar protozoar që shkakton malarien.

SHUSHUNJË

SHUSHÚNJ/Ë,~A f. sh. ~A, ~AT 1. zool. (lat. Hirudo medicinalis) Krimb parazitar i ujërave të ndenjura, me trup unazor shumë të zhdërvjellët, që ushqehet me gjakun e kafshëve të ndryshme duke u ngjitur në trupin e tyre dhe që përdoret edhe në mjekësinë popullore për të marrë gjak. Koha e shushunjave. Shushunjë kali. Lëshoi (vuri, hodhi) shushunjat. Të ngjitet si shushunjë. (keq.) të qepet e s’të ndahet.
2. fig., keq. Ai që të ngjitet e s’të ndahet për një punë të tijën. Është shushunjë e keqe.
3. fig., keq. Ai që nuk ngopet me para e shfrytëzon të tjerët; gjakpirës. Shushunja gjakpirëse.
✱Sin.: piavicë, ushunjëz, shfrytëzues, gjakpirës, shqetësues, i bezdisshëm, i mërzitshëm, rrodhe, tartabiqe.
♦ M’u bë shushunjë (dikush) përb. m’u ngjit, m’u qep e nuk më ndahet pa marrë atë që do; do që të më shfrytëzojë e të më thithë çdo gjë; m’u bë ferrë; m’u bë rrodhe; m’u bë rriqër (këpushë); m’u bë baltë pas këpuce.

TELAZIOZË

TELAZIÓZ/Ë,~A f., veter., mjek. Sëmundje e syrit e shkaktuar nga një krimb që mund të prekë qenin, ujkun, dhelprën, lepurin, macen, ndonjëherë edhe njeriun; infektim i syrit nga një lloj krimbi parazitar.

VESHTULLOR

VESHTULLÓR,~E mb., bot. (lat. Viscosus) 1. Që ngjitet, që është si zam, i ngjitshëm. Lëndë veshtullore. Gjethe veshtullore gjethe të mbuluara me një lëng si zam.
2. Që mbin e rritet në një bimë tjetër, që është parazit si bima e veshtullës. Bimë (kërpudhë) veshtullore.
3. fig. Që është i brishtë e i thyeshëm si veshtulli. Ajrit veshtullor të tetorit ia kishte zënë vendin një freski e prajshme
✱Sin.: i ngjitshëm, ngjitës, parazitar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë