Fjalori

Rezultate në përkufizime për “parashtruar”

Mëso si ta përdorësh
<<< Kthehu te kërkimi kryesor në fjalor

APELUAR

APELÚAR (i, e) mb., drejt. I ankimuar a i kthyer mbrapsht (një vendim) me qëllim rishikimi si rrjedhojë e mospajtimit të palës që ka parashtruar ankesë. Vendim i apeluar. Aktgjykim i apeluar.
✱Sin.: ankimues, apelues, apelativ, i kundërshtuar.

IMPOSTUAR

IMPOSTÚAR (i, e) mb. I parashtruar; i paraqitur. Çështje e impostuar.

NGRITUR

NGRÍTUR (i, e) mb. 1. Që del më lart se një sipërfaqe e rrafshët, i lartë. Vend i ngritur. Pjesët e ngritura të tokës.
2. Që qëndron drejt a pingul. Me jakë të ngritur. Me flokë të ngritur (përpjetë).
3. Që është ngritur lart duke u palosur; i palosur. Me pantallona të ngritura deri në gju. Me mëngë të ngritura.
4. fig. Që ka nivel të mirë arsimor, profesional a kulturor. Njeri i ngritur. Punëtorë të ngritur. Është mjaft i ngritur.
5. Që është ngritur për t’u shqyrtuar, për t’u gjykuar, për t’u zbatuar a për t’u zgjidhur nga të tjerët; i parashtruar. Shqetësimi i ngritur është i drejtë.
6. Që është ndërtuar e krijuar si diçka e re; i themeluar. Grupi i punës i ngritur posaçërisht për këtë çështje.
✱Sin.: i lartë, pingul, i çuar, i themeluar, i hedhur, i përgatitur, i ndërtuar, i parashtruar, i mëkëmbur.
♦ Me *mendje të ngritur. Me *nerva të ngritur (të acaruar).

PARASHTRUAR

PARASHTRÚAR (i, e) mb. Që është parashtruar, i shpalosur, i paraqitur. Në mbështetje të kërkesës së parashtruar. Kushte të parashtruara. Projektligj i parashtruar (drejt.).
✱Sin.: i paraqitur, i shpalosur, i shtjelluar, i ftilluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë