Fjalori

Rezultate në përkufizime për “parashtrohet”

Mëso si ta përdorësh
<<< Kthehu te kërkimi kryesor në fjalor

ANKUESHËM

ANKÚESH/ËM (i), ~ME (e) mb. 1. Që flet a shprehet me ankesa, që ankohet shpesh; ankues. Pacient i ankueshëm. Fliste me zë të ankueshëm. Bisedë e ankueshme. Melodi me tone të ankueshme.
2. zyrt. Që mund të ankimohet (një vendim), që mund të parashtrohet (një ankesë), që mund të kthehet lënda mbrapsht. Vendim i ankueshëm.

GJËZË

GJËZ/Ë,~A f. sh. ~A, ~AT 1. Gjëegjëzë. Gjëzë e vështirë. Gjëza për fëmijë.
2. Pyetje nga njohuritë për një fushë, që parashtrohet si problem me disa të dhëna ndihmuese për ta zgjidhur. Gjëza letrare (muzikore).
✱Sin.: njëenjëzë, enigmë, kashelashë, e fshehtë, mister.

PARAQITEM

►PARAQÍT/EM jovep., ~A (u), ~UR 1. vetv. Shkoj te dikush që më ka kërkuar; vete në vendin e punës a diku tjetër ku duhet të jem në një kohë të caktuar; shkoj diku për të marrë pjesë a për të qenë i pranishëm në kohën e duhur. Paraqitu nesër! U paraqitën në provim. Paraqituni në punë. U paraqitën në konkurs. Nuk u paraqit fare në gjyq.
2. vetv. I them një tjetri emrin dhe kush jam. Më lejoni t’ju paraqitem!
3. vetv. E tregoj veten në një mënyrë të caktuar; dal; jam në një gjendje të caktuar; e heq veten për dikë. Paraqitej keq (prapa). U paraqitën mirë në provime. E paraqit veten për të ditur. Na u paraqit si mjek.
4. vetv., vet. v. III Është, duket a shfaqet në një gjendje, pamje ose mënyrë të caktuar. Paraqitet në këtë trajtë. Ecuria e punimeve paraqitet e mbarë. Çështja paraqitet e vështirë. Sëmundja paraqitej tepër e rrezikshme.
5. vetv., vet. v. III Vjen a shfaqet, del përpara (një rast etj.). Kur të paraqitet nevoja. Me që u paraqit rasti (mundësia).
6. pës. e PARAQÍT.
✱Sin.: vete, njihem, dukem, shfaqem, tregohem, hiqem, jam, dal, shpaloset, vjen, del, lind, vishem, shtirem, mbahem, përvijohet, shtrohem, parashtrohet, përshenjet.

PARASHTRIM

PARASHTRÍM,~I m. sh. ~E, ~ET 1. Veprimi kur parashtroj diçka ose kur parashtrohet diçka. Parashtrimi i çështjes.
2. Parashtresë. Parashtrim i shkurtër.
✱Sin.: shtrim, paraqitje, ngritje, parashtresë, shpalosje, shfaqje, shprehje, kumtim, përmbledhje.

PARASHTRUESHËM

PARASHTRÚESH/ËM (i), ~ME (e) mb. Që mund të parashtrohet. Lehtësisht i parashtrueshëm.

PROJEKT

PROJÉKT,~I m. sh. ~E, ~ET 1. Plani i një ndërtese, i një ure a i ndonjë vepre tjetër, që paraqet me hollësi veprën e pjesët e saj dhe shërben gjatë ndërtimit; skema e diçkaje që do të ndërtohet, vizatimi teknik i diçkaje; fleta ku është paraqitur ky plan. Projekt tip. Projekt ndërtese (banesë). Projekti i uzinës. Dosja e projektit. Projekti i fshatit të ri. Bëri projektin. Projekti i unazës së madhe të Tiranës. Projekti i bajpasit të Prizrenit.
2. Teksti i parë i një dokumenti, i një plani etj. që parashtrohet për shqyrtim e miratim. Projekti i Kushtetutës së Republikës së Kosovës. Projekti i deklaratës. Miratuan projektin e paraqitur.
3. fig., libr. Plani i një pune për të ardhshmen; ide a mendim që kemi për diçka; shestim. Është në projekt. Kam ca projekte në kokë.
✱Sin.: plan, skemë, vizatim, skicë, ide, shestim.

PROJEKTDEKLARATË

PROJEKTDEKLARÁT/Ë,~A f. sh. ~A, ~AT Projekti i një deklarate që parashtrohet për shqyrtim e miratim. Paraqiti projektdeklaratën. Votuan për projektdeklaratën.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë