Fjalori

Rezultate në përkufizime për “parapagesë”

Mëso si ta përdorësh
<<< Kthehu te kërkimi kryesor në fjalor

ABONIM

ABONÍM,~I m. sh. ~E, ~ET ek. Marrëveshje ose kontratë për të marrë një shërbim, një botim ose një produkt në mënyrë të rregullt, zakonisht për një periudhë të caktuar kohore dhe kundrejt një tarife; parapagesë për një shërbim ose një blerje. Abonim për një revistë (gazetë, program radio a televizion). Abonim për shërbime digjitale. Abonim për telefon (energji elektrike). Anulim i abonimit. Abonim për shërbime utilitare. Shërbimi i abonimit.
✱Sin.: pajtim, parapagim, abone.

AKONTACION

AKONTACIÓN,~I m., ek., fin. Parapagim, parapagesë; konto; pagesë e pjesshme e një detyrimi të ardhshëm. Akontacion rroge. Shuma e akontacionit. Mora (dhashë) akontacion. Pagoi një akantacion për makinë. Akontacion i paguar. Përparësitë e akontacionit. Pagova qiranë me akontacion. Akontacion për shërbime tregtare. Akontacion për shpenzimet e dasmës. Mora akontacionin tatimor.

AKONTO

AKÓNTO,~JA f. sh. ~, ~T 1. fin. Paradhënie, pagesë paraprake, kapar. Pagoi një akonto për shtëpinë e re. Pagova akonton prej 10 % të çmimit të përgjithshëm.
2. kontab. Regjistër që përdoret për të ndjekur të ardhurat, shpenzimet, asetet dhe detyrimet e një individi, të një ndërmarrjeje etj. Akonto për shpenzimet e fluturimit. Akonto për të udhëtimet me traget.
3. bank. Xhirollogari, konto; llogari bankare, konto rrjedhëse e kursimeve dhe e depozitave. Llojet e akontove bankare. Hap (mbyll) akonton rrjedhëse të kursimeve. Akontot e depozitave. Numri i akontos sime. Akonto bankare online.
4. inf. Llogari e një profili përdoruesi në një sistem kompjuterik ose në një platformë online. Akonto në Microsoft. Akonto në gugël (google). Akonto emaili. Akonto fejsbuku (instagrami, tik-toku etj.). Krijova një akonton time për të hyrë në platforma online.
✱Sin.: paradhënie, parapagim, parapagesë, avancë.

AVANCË

AVÁNC/Ë,~A f. sh. ~A, ~AT bised. 1. fin. Pagë ose diçka tjetër që merret para kohës së caktuar; paradhënie, pagesë paraprake. I jap avancë. Marr avancë. Kthej avancën. Avancë me marrëveshje. Avancë financiare. Avancë page. Avancë transaksionesh.
2. fig. Epërsi e fituar, epërsi që i jepet tjetrit që në fillim; përparësi. Dy pikë avancë. Avancë fizike (mendore, morale, ushtarake etj.). Jam në avancë. I jap avancë. Me avancë... para afatit, para kohës së caktuar.
✱Sin.: paradhënie, parapagesë, epërsi, përparësi, sipëri, superioritet, avantazh.

PARAPAGESË

PARAPAGÉS/Ë,~A f. sh. ~A, ~AT Shumë të hollash që paguhen për një send a mall para se të merret në dorë ose për një punë para se të jetë bërë, parapagim. I dha parapagesë.

PARAPAGIM

PARAPAGÍM,~I m. sh. ~E, ~ET 1. Veprimi parapaguaj dikë për diçka ose kur parapaguhem; kund. prapapagim. Parapagimi i rrogës. Parapagimi i qirasë.
2. Parapagesë.
✱Sin.: parapagesë, paradhënie, kaparosje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë