Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PARA- fjalëform. Pjesë e parë e fjalëve të përbëra e të përngjitura që u përgjigjet kuptimeve të ndajfoljeve përpara e para dhe shërben për të formuar:
a) emra p.sh.: parabimë, paraçlirim, paradite, paradreke, paradhënie, paradhomë, parafjalë, parafolës, parakthinë, parakusht, parapleqëri, paraprovim, pararojë, parastërvitje, parashtesë, parathënie etj.
b) mbiemra p.sh.: paraardhës, parafundor, parakapitalist, i parakohshëm, parakombëtar, parambrojtës, parashkollor, paratheksor, paraushtarak etj.
c) folje p.sh.: paracaktoj, parafytyroj, parakaloj, paralajmëroj, parandaloj, parapaguaj, parapëlqej, parapërgatit, paraqit, parashikoj, parashtroj etj.
d) ndajfolje p.sh.: parasysh etj.
PARAFABRIK/ÓJ vep., ~ÓVA, ~ÚAR ndërt., kal. Përgatit parafabrikate për t’i përdorur të gatshme gjatë ndërtimit; parapërgatit. Parafabrikojnë pllaka muresh.
PARAPËRGATÍT vep., ~A, ~UR kal. 1. E përgatit që më parë diçka që ta përdor për një punë. Parapërgatit sallën e operacionit. Parapërgatit lëndën (materialet).
2. E përgatit që më parë dikë për të qenë në gjendje ta bëjë më mirë e më lehtë diçka. Parapërgatit fëmijën për në shkollë. E parapërgatiti skuadrën për ndeshje.
3. E përgatit që më parë dikë për diçka të rëndë a të papritur, që të mos tronditet.
PARAPËRGATÍTJ/E,~A f. sh. ~E, ~ET 1. Veprimi kur parapërgatit ose kur parapërgatitem për diçka.
2. kryes. sh. Përgatitjet që bëhen para se të fillojë një punë, masat që merren për të qenë i gatshëm për diçka. Parapërgatitje të gjithanshme. Parapërgatitja e vendit për reforma. Parapërgatitja për ndeshje (për gara).
PARAPËRGATÍTËS,~E mb., edhe si em. Që parapërgatit diçka. Veprimet parapërgatitëse. Parapërgatitësit e takimit ndërmjet krerëve të shteteve. Parapërgatitëset e koncertit.
PËRGATÍT (PËRGATÍS) vep., ~A, ~UR kal. 1. E bëj gati diçka, që të jetë në gjendje të përdoret për një punë a të shfrytëzohet. Përgatit makinën për rrugë të gjatë. Përgatit dhomën e shtratin. Përgatit tryezën.
2. Mbledh, grumbulloj e përpunoj diçka për ta përdorur më vonë a në një kohë të përshtatshme. Përgatit veglat e punës. Përgatit materialet e nevojshme mbledh në një vend gjërat e nevojshme për një punë.
3. Mbledh gjërat që më duhen e i rregulloj në një vend (në një arkë, valixhe, bohçe, çantë) për t’i marrë me vete; ndreq, rregulloj, bëj gati. Përgatit valixhen (plaçkat) për rrugë. Përgatit rrobat e dimrit (e verës).
4. E bëj diçka në një mënyrë të caktuar, përpunoj (duke përzier gjëra të ndryshme etj.); gatuaj. Përgatit gjellën (një pije). Përgatit një bar (një ilaç). Përgatit drekën (darkën).
5. Bëj a prodhoj diçka të re, krijoj; hartoj. Përgatiti një recital të ri. Përgatiti një tekst më të mirë. Përgatitën modele të reja fustanesh.
6. I jap dikujt njohuritë e shprehitë e nevojshme për të kryer një punë, e mësoj; e bëj dikë të aftë për diçka, duke e stërvitur rregullisht. Përgatit punonjës të aftë. Përgatit mësues (inxhinierë, informatikanë, mjekë). I përgatitën për ndeshjen e mbetur. E përgatiti për provime.
7. Ia them dikujt tërthorazi e jo menjëherë një lajm të keq, në mënyrë që të mos tronditet shumë kur ta mësojë plotësisht; e sjell në një gjendje që ta durojë të keqen, që ajo të mos i vijë si e papritur. E përgatiti shpirtërisht. E përgatiti për ta njoftuar për vdekjen e prindit.
8. Kam ndër mend të bëj diçka, shestoj. Përgatitnin plane të reja. Përgatitin programe të reja kompjuterike.
9. Ia hyj një pune për të arritur një qëllim.
10. Marr masat e nevojshme për të nisur diçka. Përgatitën takimin ministror (ndërministror) të radhës.
✱Sin.: gatit, ormis, hazëroj, nxjerr, bëj, ndreq, zbukuroj, rregulloj, shtroj, teletis, përpunoj, gatuaj, zë, prodhoj, krijoj, pajis, sajoj, hartoj, arsimoj, edukoj, rris, aftësoj, kalis, stërvit, brumos, brumoj, formoj, ushtroj, parapërgatit, shestoj, përvijoj, ravijëzoj, mendoj.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë