Fjalori

Rezultate në përkufizime për “paramanë”

Mëso si ta përdorësh
<<< Kthehu te kërkimi kryesor në fjalor

KARFICË

KARFÍC/Ë,~A f. sh. ~A, ~AT Mjet a send zbukurimi me një gjilpërë të kthyer, i cili mbërthehet në një veshje, kap flokët etj.; mashkë; paramanë. Karficë për flokë. Karficë me një gur të çmuar. Mbërthej (zë) flokët (jakën) me karficë.
✱Sin.: mashkë, paramanë, mbërtheckë.

MBËRTHECKË

MBËRTHÉCK/Ë,~A f. sh. ~A, ~AT 1. Kopsë, sumbull. Mbërthecka e këmishës.
2. Ilik; thile.
3. Paramanë për të kapur dy anët e një petku etj.
4. Kllapëz prej teli, e përthyer me dy kënde të drejta, që vendoset në kapëse për të mbërthyer letrat, kompensatën etj.
5. Reze a mandall i vogël që shërben për të mbërthyer diçka. Kishte ca mbërthecka metalike që mbanin pikturën në kornizë.
6. Kunj metalik i vogël, i hollë e me majë të mprehtë, që përdoret për të mbërthyer diçka në derë, në mur etj. Te dera ishte kapur me mbërtheckë një copëz letre.
7. Pjesa e fundit e këmbës së përparme të qengjit a të kecit të therur, me të cilën i mbërthejnë barkun kur e pjekin në hell. Qengjin e qepin në bark me dy mbërthecka.
8. fig., bised., vet. sh. Ngatërresa, bishta.
✱Sin.: mbërthecë, mbërthejë, mbërthezë, kopsë, sumbull, ilik, paramanë, reze, mandall, kunjëz, ngatërresë.

NGUJOJSË

NGUJÓJS/Ë,~A f. sh. ~A, ~AT Mbërtheckë, paramanë, karficë. E kapi me ngujojsë.

NGUJORE

NGUJÓR/E,~JAI f. sh. ~E, ~ET 1. Shul prej druri për të mbyllur derën nga brenda. I vuri ngujoren derës.
2. Kapëse e mbyllur teli me të cilën mbërthehet fustani, etj.; mbërtheckë, paramanë, pegelë, përthekojsë.
✱Sin.: grep, shul, mbërtheckë, paramanë, pegelë, përthekojsë.

PARAMANË

PARAMÁN/Ë,~A f. sh. ~A, ~AT 1. Gjilpërë e përthyer si karficë, që përdoret për të kapur dy anë të një petku, për të mbërthyer një rrobë etj. Kap (mbërthej, zë) me paramanë.
2. Karficë që vënë gratë në kokë për të mbajtur flokët. Zë flokët me paramanë.

PEGELË

PEGÉL/Ë,~A f. sh. ~A, ~AT Karficë e madhe petkash, paramanë e madhe.
✱Sin.: karficë, paramanë.

TRIDHJETËLEKËSH

TRIDHJETËLÉKËSH,~E mb. 1. Që vlen tridhjetë lekë. Sapun tridhjetëlekësh. Paramanë tridhjetëlekëshe. Qeskë (bukë) tridhjetëlekëshe.
2. si em. f., hist. Kartmonedha me këtë vlerë.

VERDHCË

VÉRDHC/Ë,~A f. sh. ~A, ~AT Gjilpërë për të kapur dy anë të një petku a për të mbërthyer një rrobë etj., paramanë.
✱Sin.: kapëse, pegël, karficë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë