Fjalori

Rezultate në përkufizime për “paralizim”

Mëso si ta përdorësh
<<< Kthehu te kërkimi kryesor në fjalor

DAMLLOSJE

DAMLLÓSJ/E,~A f., bised. Gjendja kur damllosem; humbje e ndjenjave, bllokim i frymëmarrjes dhe i qarkullimit të gjakut; paralizim nga damllaja; goditje. Pas damllosjes, këmba e tij nuk funksiononte si më parë. Damllosje e krahut të djathtë.
✱Sin.: paralizë, paralizim, goditje, pikë.

EKSTREMITET

EKSTREMITÉT,~I m. sh. ~E, ~ET 1. Ekstrem. Ekstremiteti i përplasjeve. Në thelb i dënoj të dyja ekstremitetet. Thirrja për heqje dorë nga ekstremitetet. S’duhet kaluar në ekstremitete të asaj natyre.
2. mjek., biol. kryes. sh. Gjymtyrë. Sëmundje në ekstremitete. Paralizim i ekstremiteteve.

NGATH

NGATH,~I m. Mpirje, paralizim gjymtyrësh. Ngathi i keq.

PARALIZË

PARALÍZ/Ë,~A f. sh. ~A, ~AT 1. mjek. Humbje e plotë ose e pjesshme e aftësisë së një gjymtyre a të një organi për të lëvizur, për të vepruar e për të ndier, e cila shkaktohet nga një sëmundje që godet sistemin nervor. Paralizë e krahut (e këmbës, e faqes). Ka paralizë. E zuri paraliza.
2. fig. Ndërprerje e veprimtarisë së gjallë dhe e zhvillimit në një fushë; humbja nga dikush e aftësisë për të punuar a për të menduar me gjallërinë e zakonshme; mpirje. Paralizë e plotë. Paralizë mendore. Paralizë ekonomike (politike).
✱Sin.: paralizim, ulokësi, mpirje.

PARKINSON

PARKINSÓN,~I m., mjek. Çrregullim progresiv në sistemin nervor të njeriut, që shfaqet me dridhjen e duarve e që mund të shkaktojë dhe paralizim të krejt trupit. Sindromë e parkinsonit. Sëmundja e parkinsonit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë