Fjalori

Rezultate në përkufizime për “paralizë”

Mëso si ta përdorësh
<<< Kthehu te kërkimi kryesor në fjalor

AKINEZI

AKINEZÍ,~A f., mjek. 1. Palëvizshmëri; çrregullim i lëvizjes së muskujve; ngurtësi e një a më shumë gjymtyrëve; rrëgjim i lëvizjes së muskujve. Akinezia muskulare.
2. Pamundësi për të lëvizur; dobësim ose dëmtim i sistemit motorik; bllokim nervor. Akinezia nervore. Akinezia muskulare.
✱Sin.: ngurtësi, paralizë, bllokim.

ALALI

ALALÍ,~A f., mjek. Paaftësi për të folur, memecëri e plotë si pasojë e dëmtimit të disa pjesëve të trurit; paralizë e kordave të zërit. Alalia motorike. Trajtimi i alalisë.

APOPLEKSI

APOPLEKSÍ,~A f., mjek. Goditje e papritur në tru, që i shkakton dëmtime të rënda; bllokim i një ene gjaku në tru, që shkakton hemorragji ose pakësim të gjakut, paralizë ose humbjen e vetëdijes; gjakderdhje në tru, trombozë. Simptomat e apopleksisë. Trajtimi i apopleksisë. Faktorët e rrezikut për apopleksi. Apopleksi e trurit. Pësoi apopleksi.

BILATERAL

BILATERÁL,~E mb., libr. 1. Që lidhet me të dyja palët, secila palë me detyrime dhe të drejta të barabarta ndaj tjetrës; dypalësh, i dyanshëm. Marrëdhënie (marrëveshje, kontrata, shkëmbime) bilaterale. Detyrime bilaterale.
2. gjuh. Dyanësor.
3. mjek. Dyanësor. Pleurit bilateral. Paralizë bilaterale.

BULBOR

BULBÓR,~E mb. 1. bot. Që ka bulb; qepor, bulbar. Bimë bulbore. Rrënjë bulbore.
2. anat. Që ka të bëjë me bulbin, që lidhet me bulbin, i bulbit; që ka trajtën e bulbit, qepor. Nervi bulbor. Qendra bulbore. Paralizë bulbore. Pjesa bulbore e nervit.
3. Që ka formën e bulbit. Kupolë bulbore. Kolona të holla me baza bulbore.

DAMLLOSJE

DAMLLÓSJ/E,~A f., bised. Gjendja kur damllosem; humbje e ndjenjave, bllokim i frymëmarrjes dhe i qarkullimit të gjakut; paralizim nga damllaja; goditje. Pas damllosjes, këmba e tij nuk funksiononte si më parë. Damllosje e krahut të djathtë.
✱Sin.: paralizë, paralizim, goditje, pikë.

HEMIPAREZË

HEMIPARÉZ/Ë,~A f. sh. ~A, ~AT mjek. Humbje e pjesshme e forcës muskulore në njërën anë të trupit, zakonisht për shkak të dëmtimit neurologjik; paralizë e pjesshme që prek njërën anë të trupit.

LARINGOPLEGJI

LARINGOPLEGJÍ,~A f., mjek. Paralizë e laringut, gjendje kur muskujt e laringut humbasin aftësinë për të lëvizur normalisht. Pacienti shqetësohej për laringoplegjinë. Mjekimi shkaktoi laringoplegji.

NDRYMJE

NDRÝMJ/E,~AII f. Paralizë parciale.

NDRYMË

NDRÝM/Ë (i), ~E (e)II mb. Që është goditur nga një paralizë e pjesshme.

NEUROPARALIZUES

NEUROPARALIZÚES,~E mb. Që dëmton nervat e si pasojë shkakton paralizë ose humbje të ndjeshmërisë. Përdorimi i lëndëve kimike neuroparalizuese.

PALATOPLEGJI

PALATOPLEGJÍ,~A f., mjek. Paralizë e qiellzës.

PANUKËLL

PANÚK/ËLL,~LLA f. Paralizë. I rëntë panuklla!

PARALIZIM

PARALIZÍM,~I m. sh. ~E, ~ET 1. Veprimi kur paralizoj dikë ose kur paralizohem. Paralizimi i muskujve.
2. Gjendja kur paralizoj dikë ose kur paralizohem. Paralizimi i krahut (i këmbës, i trupit). Paralizimi i jetës së vendit.
3. mjek. Paralizë.
✱Sin.: mpirje, paralizë, gozhdim, ndërprerje, bllokim, ngrirje, ndalim, ngecje, galacim.

PARALIZOJ

PARALIZ/ÓJ vep., ~ÓVA, ~ÚAR kal. 1. mjek., zakon. v. III Bën që të humbasë aftësinë për të lëvizur dhe ndjeshmërinë ndaj ngacmuesve të jashtëm, ia mbërthen në vend një organ a një pjesë të trupit; i shkakton paralizë. I paralizoi krahun (këmbën).
2. fig., vet. v. III Ia ndërpret veprimtarinë e gjallë, zhvillimin e përparimin në një fushë, e ndal në vend, e bën të ngecë. E paralizoi ekonominë (industrinë). Paralizoi qarkullimin (lëvizjen, tregtinë).
3. fig. I heq mundësinë të veprojë lirisht, e mbërthej në vend. I kishte paralizuar frika.
✱Sin.: mpij, gozhdoj, bllokoj, ngrij, damllos, shitoj, nguros, shuplak, shkel, ndal, ngec, mbërthej.

PARALIZUES

PARALIZÚES,~E mb. 1. mjek. Që shkakton paralizë.
2. fig. Që sjell ndërprerjen e veprimtarisë së gjallë e të zhvillimit etj.; që nuk të lë të veprosh lirisht, që të mbërthen në vend. Veprime paralizuese.
✱Sin.: bllokues, gozhdues, shitues, rrëgjues, mpirës, mbërthyes, ndërprerës.

PARALIZË

PARALÍZ/Ë,~A f. sh. ~A, ~AT 1. mjek. Humbje e plotë ose e pjesshme e aftësisë së një gjymtyre a të një organi për të lëvizur, për të vepruar e për të ndier, e cila shkaktohet nga një sëmundje që godet sistemin nervor. Paralizë e krahut (e këmbës, e faqes). Ka paralizë. E zuri paraliza.
2. fig. Ndërprerje e veprimtarisë së gjallë dhe e zhvillimit në një fushë; humbja nga dikush e aftësisë për të punuar a për të menduar me gjallërinë e zakonshme; mpirje. Paralizë e plotë. Paralizë mendore. Paralizë ekonomike (politike).
✱Sin.: paralizim, ulokësi, mpirje.

PARAPLEGJI

PARAPLEGJÍ,~A f., mjek. Paralizë e dy gjymtyrëve të njeriut (zakonisht të poshtme).

PAREZË

PARÉZ/Ë,~A f. sh. ~A, ~AT mjek. Dobësi muskulore e shkaktuar nga dëmtime nervore ose nga një sëmundje; paralizë e lehtë, paralizë e pjesshme. Parezë e pjesshme. Kaloi një parezë faciale. Parezë e përgjithshme pezmatim i trurit në një fazë të rëndë të sifilizit, që shfaqet me çrregullime të rënda mendore dhe paralizë.

TETRAPLEGJI

TETRAPLEGJÍ,~A f., mjek. Një gjendje ku njeriu ka humbje ose dëmtim të funksionit lëvizor dhe shtytës të të katër gjymtyrëve; paralizë e të katër gjymtyrëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë