Fjalori

Rezultate në përkufizime për “parafytyroj”

Mëso si ta përdorësh
<<< Kthehu te kërkimi kryesor në fjalor

PARA-

PARA- fjalëform. Pjesë e parë e fjalëve të përbëra e të përngjitura që u përgjigjet kuptimeve të ndajfoljeve përpara e para dhe shërben për të formuar:
a) emra p.sh.: parabimë, paraçlirim, paradite, paradreke, paradhënie, paradhomë, parafjalë, parafolës, parakthinë, parakusht, parapleqëri, paraprovim, pararojë, parastërvitje, parashtesë, parathënie etj.
b) mbiemra p.sh.: paraardhës, parafundor, parakapitalist, i parakohshëm, parakombëtar, parambrojtës, parashkollor, paratheksor, paraushtarak etj.
c) folje p.sh.: paracaktoj, parafytyroj, parakaloj, paralajmëroj, parandaloj, parapaguaj, parapëlqej, parapërgatit, paraqit, parashikoj, parashtroj etj.
d) ndajfolje p.sh.: parasysh etj.

PARAPËRFYTYROJ

PARAPËRFYTYR/ÓJ vep., ~ÓVA, ~ÚAR psikol., kal. Parafytyroj. E parapërfytyronin një luftëtar trup madh. E parapërfytyronin çlirimin e vendit si për të ripavarësuar Shqipërinë dhe për të përsëritur epopenë e fitoreve të ushtrisë së Skënderbeut mbi ushtritë armike.

PËRFYTYROJ

PËRFYTYR/ÓJ vep., ~ÓVA, ~ÚAR kal. 1. Riprodhoj në mendje diçka që e kam parë a e kam jetuar në një kohë të mëparshme. Përfytyroj kohën e fëmijërisë. Përfytyroj pushime (kohën e studimeve).
2. Marr me mend diçka që nuk e kam parë a nuk e kam njohur drejtpërdrejt.
3. Krijoj në mendje figurën e diçkaje, duke u mbështetur në ato që kam dëgjuar për të ose në të dhëna të tjera të tërthorta; e mendoj a e marr me mend diçka në një mënyrë të caktuar, e kuptoj; parafytyroj. Përfytyronte oqeanin e pafund (dimrin në malet e larta). E kishte përfytyruar ndryshe emigrimin.
✱Sin.: parafytyroj, fytyroj, shëmbëllej, shoh, paramendoj, imagjinoj, ëndërroj, pasqyroj, trilloj, krijoj, kujtoj, mendoj, parashikoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë