Fjalori

Rezultate në përkufizime për “paradigmë”

Mëso si ta përdorësh
<<< Kthehu te kërkimi kryesor në fjalor

APOFONI

APOFONÍ,~A f., gjuh. Ndërrimi i një zanoreje të mbyllur me një zanore të hapur ose i një zanoreje të përparme me një zanore të prapme gjatë eptimit morfologjik; p.sh. ndërrimi i zanoreve a me o dhe e me zanoren o në paradigmat dal-dola, sjell-solla etj. Apofonia e tingujve. Apofonia e zanoreve. Apofonia e zanoreve në gjuhët e vjetra.

EPTIM

EPTÍM,~I m. sh. ~E, ~ET gjuh. 1. Veprimi kur eptoj një fjalë ose kur eptohet. Paradigma e eptimit të foljes “flas”. Pasqyra e eptimit të përemrit pronor.
2. Ndryshimi që pësojnë fjalët në trajtën e tyre gramatikore kur hyjnë në lidhje me fjalë të tjera në fjali; mënyrat e një ndryshimi të tillë dhe tërësia e trajtave të fjalës gjatë këtij ndryshimi; mbaresa e një fjale që ndryshon kur lakohet a kur zgjedhohet. Eptim emëror (foljor, përemëror). Eptim i jashtëm mbaresat e trajtave gramatikore. Eptim i brendshëm ndryshimi i trajtave gramatikore me ndryshimin e tingujve në rrënjën e fjalës. Eptim i shquar (i pashquar).

EPTIMOR

EPTIMÓR,~E mb., gjuh. Që lidhet me eptimin, i eptimit; që ka të bëjë me eptimin. Sistemi eptimor. Paradigma eptimore e bashkësive të ndryshme foljore. Format eptimore të foljes në gjuhën shqipe.

PARADIGMË

PARADÍGM/Ë,~A f. sh. ~A, ~AT 1. gjuh. Tërësia e trajtave gramatikore që merr një pjesë e ligjëratës gjatë lakimit ose gjatë zgjedhimit dhe që shërben si model për një klasë fjalësh. Paradigma e lakimit të parë. Paradigma e zgjedhimit të dytë. Paradigma e emrit “mal”. Paradigma e foljes “shkruaj”.
2. Një përbërës i një dukurie, i një ngjarjeje, i një të tëre. Paradigma e gjuhës shqipe në veprën e Gj. Fishtës (e N. Frashërit, e N. Mjedës).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë