Fjalori

Rezultate në përkufizime për “paraburgim”

Mëso si ta përdorësh
<<< Kthehu te kërkimi kryesor në fjalor

ARREST

ARRÉST,~I m. sh. ~E, ~ET drejt. 1. Paraburgim, ndalim, mbajtje e përkohshme nën rojë e një personi nga autoritetet ligjore, zakonisht nga policia, për shkak të dyshimit për kryerjen e një krimi ose të shkeljes së ligjit; ndëshkim disiplinor për ushtarakët, duke i mbajtur të mbyllur në një vend për një kohë të caktuar. Është në arrest me burg. Arrest disiplinor. Arrest kazerme. Mban (vë) në arrest. Caktoi arrest. Arrest legal. U krye arresti. Vendosja në arrest.
2. Masë ligjore që ndërmerret për të siguruar që një person do të paraqitet përpara drejtësisë, që të mos arratiset dhe të mos pengojë hetimet. Arrest shtëpie. Masë e arrestit shtëpiak. Arrest me burg.
✱Sin.: paraburgim, burgim, burgosje, ndalim, arrestim, ndëshkim.

ARRESTIM

ARRESTÍM,~I m. sh. ~E, ~ET drejt. 1. Procedurë ligjore e ndalimit ose e kapjes së një a më shumë personave nga autoritetet ligjore, zakonisht policia, për arsye të dyshimit për kryerjen e një vepre të dënueshme ligjore; arrest. Arrestim në përputhje me ligjet. Arsyet e arrestimit. Vendimi i arrestimit. Arrestim i ekzekutuar. Procedura e arrestimit. Arrestime në masë. Arrestimi i keqbërësit. Bënë arrestime. Arrestim për kanosje.
2. Masë ligjore në sistemin e drejtësisë penale, që ka për qëllim sigurimin e personit të dyshuar për t’u përballur me drejtësinë. Arrestim nën vëzhgim (nën mbikëqyrje).
✱Sin.: paraburgim, burgim, burgosje, ndalim, prangim, ndëshkim.

ARRESTUAR

ARRESTÚAR (i, e) mb., drejt. Që është kapur dhe që mbahet nën rojë, në paraburgim, që është vënë në arrest. E mbanin të arrestuar. Paraburgim për personin e arrestuar. Mbajtje e personit të arrestuar. Person i arrestuar.
✱Sin.: i paraburgosur, i burgosur, i ndaluar, i prangosur, i ndëshkuar.

EKSTRADUES

EKSTRADÚES,~E mb. Që lidhet me ekstradimin, që ekstradon. Dërgohet në paraburgim ekstradues. Gjyqi ekstradues. Seancë ekstraduese. Procedura ekstraduese. Pala ekstraduese.

NDALIM

NDALÍM,~I m. sh. ~E, ~ET 1. Veprimi kur ndaloj dikë a diçka ose kur ndalohem nga dikush a nga diçka; kund. lejim. Ndalimi i punës. Ndalimi i zjarrit. Ndalimi i gjakut. Ndalimi i armëve bërthamore. Ndalim kalimi. Ndalim i punimeve. Ndalim hyrjeje. Ndalimi i dhunës në familje. Ndalim ushtrimi të funksionit. Ndalime ligjore.
2. bised. Porosi ose urdhër për të mos bërë diçka. Iku, me gjithë ndalimet e s’ëmës.
✱Sin.: pushim, ndalje, qëndrim, shkyçje, ndërprerje, pengim, arrestim, paraburgim, shuarje, reshtje, ndalesë, porosi, pezullim, mbyllje, ngelje, mbajtje, prerje, përqendrim.

PARABURGIM

PARABURGÍM,~I m., drejt. Paraburgosje. Mbaj në paraburgim. Persona në paraburgim. Qendër paraburgimi.

PARABURGOSJE

PARABURGÓSJ/E,~A f. sh. ~E, ~ET drejt. 1. Veprimi kur burgos dikë ose kur paraburgoset dikush.
2. Gjendja pasi burgos dikë ose pasi paraburgoset dikush.
3. drejt. Koha nga dita e ndalimit të dikujt që dyshohet për një faj a krim deri kur jepet vendimi i dënimit nga ana e gjykatës.
✱Sin.: paraburgim, arrestim, arrest, ndalim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë