Fjalori

Rezultate në përkufizime për “papjekuri”

Mëso si ta përdorësh
<<< Kthehu te kërkimi kryesor në fjalor

ADOLESHENT

ADOLESHÉNT,~E mb., fiziol., psikol. 1. Që ka të bëjë me moshën e adoleshencës, që shpreh karakteristika të adoleshencës; i adoleshencës. Një çun adoleshent. Sjellje adoleshente. Pjekuri adoleshente.
2. fig. Që tregon shenja të papjekurisë ose të naivitetit. Flet me gjuhë adoleshente. Lojë adoleshente. Papjekuri adoleshente.
✱Sin.: i papjekur, i padjallëzuar, naiv, axhami.

AXHAMILLËK

AXHAMILLË́/K,~KU m. sh. ~QE, ~QET bised. Papjekuri prej fëmije, punë prej axhamiu, kalamallëk. Bën axhamillëqe. Nuk i pushuan axhamillëqet.

CEKTËSI

CEKTËSÍ,~A f. sh. ~, ~TË 1. Të qenët i cekët, të qenët jo i thellë; kund. thellësi. Cektësia e vaut. Cektësia e detit.
2. Vend i cekët, cekëtinë. Ngeci në cektësi. Doli në cektësi.
3. fig. Të qenët i përciptë, të qenët i sipërfaqshëm, mungesa e thellësisë së mendimit. Cektësi mendimi (gjykimi). Cektësi në punë. Mendon me cektësi. E trajtoi me cektësi.
✱Sin.: cekëtinë, papjekuri, mendjelehtësi.

INFANTILIZËM

INFANTILÍZ/ËM,~MI m., psikol. 1. Ruajtja në psikikën dhe sjelljen e një të rrituri të karakteristikave të qenësishme të fëmijërisë. Infantilizëm mendor.
2. psikol. Tipare ose sjellje fëmijërore e të rriturit. I trajton problemet me infantilizëm.
3. psikol. Papjekuri anormale fizike, seksuale a psikologjike. Vuan nga infantilizmi.

MENDJELEHTËSI

MENDJELEHTËSÍ,~A f. sh. ~, ~TË 1. Të qenët mendjelehtë; gjykim i cekët. Gjykon (vepron) me mendjelehtësi. E mori me mendjelehtësi. Disa veprime janë shenjë mendjelhetësie.
2. Veprim a sjellje prej mendjelehti. Mendjelehtësia e saj e fyeu. Kryenin mendjelehtësi të tilla.
✱Sin.: cektësi, papjekuri, lehtësi, sipërfaqësi, kalamallëk.

NEUROTIK

NEUROTÍK,~E mb., mjek. Që ka lidhje me neurozën, i shkaktuar nga neuroza, i neurozës. Tensioni neurotik. Papjekuri neurotike. Pengesa neurotike. Sjellje neurotike.

PAMATURI

PAMATURÍ,~A f. 1. Të qenët i pamatur, vetia e atij që është i pamatur, mungesë maturie; kund. maturi. E pësoi nga pamaturia.
2. Pamatësi, pafundësi. Pamaturia e shkretëtirave (e oqeaneve).
✱Sin.: rrëmbim, nxitim, pafundësi, papjekuri, gjaknxehtësi.

PAPJEKURI

PAPJEKURÍ,~A f. 1. Gjendja e organizmit të njeriut që nuk ka arritur zhvillim të plotë; kund. pjekuri. Papjekuri fizike (mendore). Papjekuri seksuale.
2. fig. Të qenët i papjekur, vetia e atij që është i papjekur; mungesë e zhvillimit të plotë trupor e mendor, e njohurive themelore dhe e përvojës së duhur nga jeta; shkallë e ulët e pjekurisë, cektësi; kund. pjekuri. Papjekuri politike. Papjekuri në mendime. Shenja papjekurie. Tregoi papjekuri. Flet (sillet, gjykon) me papjekuri.
✱Sin.: cektësi, mendjelehtësi, foshnjëri, kalamallëk, axhamillëk.

PAPJEKURISHT

PAPJEKURÍSHT ndajf. Në mënyrë të papjekur, me papjekuri; kund. pjekurisht. U soll shumë papjekurisht.

ÇILIMILLËK

ÇILIMILLË/K,~KU m. sh. ~QE, ~QET bised. 1. vet. nj. Vetia e dikujt që është i papjekur. E bën nga çilimillëku. Nga çilimillëku i tij e pësojnë edhe të tjerë.
2. keq. Sjellje ose veprim prej të papjekuri; kalamallëk. Një çilimillëk fetar. Më pas vuajmë për çilimillëkun që kemi bërë. Bën çilimillëqe.
✱Sin.: kalamallëk, axhamillëk.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë