Fjalori

Rezultate në përkufizime për “papërqasshëm”

Mëso si ta përdorësh
<<< Kthehu te kërkimi kryesor në fjalor

PABARAZUESHËM

PABARAZÚESH/ËM (i), ~ME (e) mb. Që nuk është i barazueshëm me dikë a me diçka; që nuk mund të barazohet me një tjetër; që nuk mund të krahasohet e të përqaset me një tjetër nga madhësia, nga vlera etj.; kund. i barazueshëm. Vlera (madhësi) të pabarazueshme.
✱Sin.: i pakrahasueshëm, i papërqasshëm.

PAKRAHASUESHËM

PAKRAHASÚESH/ËM (i), ~ME (e) mb. 1. Që nuk mund të krahasohet me një tjetër për të nxjerrë ngjashmërinë, dallimet e veçoritë e tyre; që nuk mund të krahasohet për nga madhësia, për nga forca etj. me një tjetër; kund. i krahasueshëm. Dukuri të pakrahasueshme. Madhësi të pakrahasueshme.
2. fig. Që dallohet mbi gjithë të tjerët nga cilësitë, nga përmasat etj., që është jashtë çdo krahasimi, i pashoq; kund. i krahasueshëm. Me fuqi (me forcë) të pakrahasueshme. Me zgjuarsi të pakrahasueshme. Bukuri e pakrahasueshme. Guxim i pakrahasueshëm. Ritme (përparime) të pakrahasueshme. Zhvillim (ndryshim) i pakrahasueshëm.
✱Sin.: i pakrahasim, i papërqasshëm, i pashoq, i pashembullt, i paballafaqueshëm, i pabarazueshëm, i pakundshoq, i paarritshëm.

PAPËRQASSHËM

PAPËRQASSH/ËM (i), ~ME (e) mb. 1. Që nuk mund të përqaset me dikë a me diçka; kund. i përqasshëm.
2. I paafrueshëm; kund. i afrueshëm. Njeri i papërqasshëm.
✱Sin.: i pakrahasueshëm, i paballafaqueshëm, i paafrueshëm.

PAPËRQASUR

PAPËRQÁSUR (i, e) mb. Që është i paafruar, i paafrueshëm; kund. i përqasur.
✱Sin.: i paafruar, i paafrueshëm, i papërqasshëm.

PËRQASSHËM

PËRQASSH/ËM (i), ~ME (e) mb. Që mund të përqaset me dikë a me diçka; kund. i papërqasshëm.
✱Sin.: i krahasueshëm, i ballafaqueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë