Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PAKUJDÉSSH/ËM (i), ~ME (e) mb. 1. edhe si em. Që nuk tregon kujdes për dikë a për diçka; që sillet a vepron pa kujdes; kund. i kujdesshëm. Njeri i pakujdesshëm. Vajzë e pakujdesshme.
2. edhe si em. Që e bën diçka pa kujdes e pa vëmendje, që nuk e ka mendjen aq sa duhet te diçka; që nuk ka rregull në jetën e përditshme e në punë; kund. i kujdesshëm. Punëtor (nxënës) i pakujdesshëm.
3. Që bëhet pa kujdesin e pa vëmendjen e duhur; kund. i kujdesshëm. Punë e pakujdesshme. Qëndrim i pakujdesshëm.
✱Sin.: i pakujdes, i shkujdesur, i pavëmendshëm, i papërpiktë, i çrregullt, shkatarraq, xhanavar, i zhargët, i zhdërjendur, zhvatarak, branar, i papërqendruar, i shpërqendruar, i papërgjegjshëm.
PAPËRPÍKTË (i, e) mb. 1. Që nuk është njehsuar, matur a vlerësuar me përpikëri; jo i përpiktë; kund. i përpiktë. Përfundim i papërpiktë. Përshkrim i papërpiktë.
2. Që e bën punën a detyrën pa kujdes, pa rregull e me të meta; kund. i përpiktë. Njeri i papërpiktë.
3. Që nuk i përmbahet orës ose afatit të caktuar për diçka ose një zotimi që ka marrë përsipër; kund. i përpiktë. Është i papërpiktë në punë.
✱Sin.: i pasaktë, i panjehsuar, i pallogaritur, i pamatur, i pavlerësuar, i pakujdes, i parregullt.
PARRÉGULLT (i, e) mb. 1. Që i mungon rregulli; që nuk ka renditje të rregullt; i çrregullt; kund. i rregullt. Vendosje e parregullt. Dhomë e parregullt. Në mënyrë të parregullt.
2. Që i ka pjesët ose përmasat në përpjesëtim të zhdrejtë ndërmjet tyre; që është i ndërtuar pa simetri; i çrregullt; kund. i rregullt. Dhëmbë të parregullt.
3. Që bëhet a që ndodh herë pas here me ndërprerje të ndryshme; që zhvillohet ose që punon jo sipas një rregulli të caktuar; i çrregullt; kund. i rregullt. Hap i parregullt. Zhvillim i parregullt. Frymëmarrje e parregullt. Linjë (vijë) e parregullt.
4. Që është në kundërshtim me rregullat e vendosura, që i shkel kërkesat e rregullat e pranuara, i çrregullt; kund. i rregullt. Dokument i parregullt. Veprim i parregullt. Gol i parregullt.
5. Që nuk mban rregull në jetën e përditshme, në punë, në veshje etj., që nuk e kryen rregullisht ose nuk e ndjek në rregull një veprimtari, një punë etj.; i çrregullt; kund. i rregullt. Nxënës i parregullt. Qiramarrës i parregullt.
6. gjuh. Që i ndryshon trajtat jo sipas rregullave të caktuara; që nuk është sipas një tipi të caktuar; kund. i rregullt. Folje e parregullt. Trajtë e parregullt.
✱Sin.: i çrregullt i çrregullt, shkatarraq, rrëmujëtar, skuriq, i papërpiktë, i papranueshëm, i rrëmujshëm.
PASÁKTË (i, e) mb. 1. Që nuk është matur, njehsuar a vlerësuar me përpikëri, që ka të meta, që nuk është bërë me përpikëri; që nuk e jep diçka me saktësi, jo i përpiktë, i papërpiktë; kund. i saktë. Peshim i pasaktë. Matje e pasaktë. Përfundim i pasaktë. Përgjigje e pasaktë. Punë e pasaktë. Lajm i pasaktë. Të dhëna të pasakta.
2. Që nuk mund t’i zësh besë me siguri, që e bën punën a detyrën pa kujdes e më të meta; i papërpiktë; kund. i saktë. Njeri i pasaktë.
✱Sin.: i papërpiktë, i gabuar, i pakujdesshëm, i çrregullt.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë