Fjalori

Rezultate në përkufizime për “papërcaktueshëm”

Mëso si ta përdorësh
<<< Kthehu te kërkimi kryesor në fjalor

PACAKTUESHËM

PACAKTÚESH/ËM (i), ~ME (e) mb. Që nuk mund të caktohet me përpikëri; i papërcaktueshëm. Ndryshim (hap) i pacaktueshëm.
✱Sin.: i papërcaktuar, i pacaktuar, i papërcaktueshëm.

PAMATSHËM

PAMÁTSH/ËM (i), ~ME (e) mb. 1. Që nuk mund t’i përcaktosh dot madhësinë, vëllimin a përmasat; kund. i matshëm. Trashësi e pamatshme. Segment i pamatshëm.
2. Që ka përmasa shumë të mëdha sa nuk t’i rrok syri, i pamasë, i pafund, i pakufishëm; kund. i matshëm. Oqean i pamatshëm. Hapësirë e pamatshme.
3. fig. Shumë i madh, i pakufishëm, i pamasë. Hidhërim i pamatshëm. Ka merita të pamatshme.
✱Sin.: i panjehsueshëm, i papërcaktueshëm, i pamasë, i pamatë, i pacak, i paskaj, i pafund, i pakufishëm.

PAPËRCAKTUAR

PAPËRCAKTÚAR (i, e) mb. 1. Që nuk është përcaktuar, jo i përcaktuar; që nuk dihet me përpikëri; kund. i përcaktuar. Numër i papërcaktuar. Datë e papërcaktuar. Moshë e papërcaktuar. Pikë (vend) i papërcaktuar. Drejtim i papërcaktuar. Diagnozë e papërcaktuar.
2. Që nuk është përpunuar e vendosur mirë, që nuk ka synime të qarta; që nuk është i prerë; i lëkundshëm, i pasigurt; kund. i përcaktuar. Qëndrim i papërcaktuar. Qëllime të papërcaktuara. Masa (detyra) të papërcaktuara. Përgjigje e papërcaktuar.
3. Që nuk dihet mirë se çfarë është ose nga vjen, i turbullt, i mjegullt; kund. i përcaktuar. Ndjenjë e papërcaktuar. Shqetësim i papërcaktuar.
✱Sin.: i pacaktuar, i lëkundshëm, i pasigurt, i papërcaktueshëm, i pacaktueshëm, i errët, i turbullt, i mjegullt, i paqartë, i fshehtë, i pashprehje, i pangjyrë, i papërpunuar, i pavendosur, i dyshimtë, i tymtë.

PAPËRCAKTUESHMËRI

PAPËRCAKTUESHMËRÍ,~A f., libr. Të qenët i papërcaktueshëm; vetia e diçkaje që është e papërcaktueshme; kund. përcaktueshmëri.

PAPËRCAKTUESHËM

PAPËRCAKTÚESH/ËM (i), ~ME (e) mb. 1. Që nuk mund të përcaktohet me përpikëri; që nuk mund të llogaritet mirë; kund. i përcaktueshëm. Forca të papërcaktueshme. Madhësi e papërcaktueshme.
2. Që nuk mund të dihet se çfarë është ose nga vjen, që mbetet i turbullt. Nga një vend (drejtim) i papërcaktueshëm.
✱Sin.: i pacaktueshëm, i papërcaktuar, i pallogaritshëm, i pamatshëm.

PAÇANËSUESHËM

PAÇANËSÚESH/ËM (i), ~ME (e) mb., libr. Që nuk është i çanësueshëm, që nuk mund të çanësohet a të përkufizohet; i papërkufizueshëm. Sintagmë e paçanësueshme.
✱Sin.: i papërkufizueshëm, i papërcaktueshëm.

PËRCAKTUESHËM

PËRCAKTÚESH/ËM (i), ~ME (e) mb. Që mund të përcaktohet; i llogaritshëm; kund. i papërcaktueshëm. Madhësi e përcaktueshme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë