Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BRÚTO mb., libr. 1. spec. Me gjithë peshën e mbështjelljes, që përfshin edhe peshën e paketimit (për mallrat); kund. neto. Peshë bruto.
2. fin. Që është së bashku me shpenzimet e bëra (për fitimin e të ardhurat); kund. neto. Të ardhura bruto. Paga bruto.
3. I papërpunuar; i papastruar, që nuk i janë hequr lëndët e panevojshme, që është në atë gjendje siç është prodhuar në natyrë. Naftë bruto. Prodhim bruto. Lëndë druri bruto. Yndyra bruto. Minerale bruto.
4. I pavërtetuar, i papërcaktuar në mënyrë të përpiktë; që nuk i janë bërë ndreqjet e nevojshme. Të dhëna bruto. Material (tekst, shkrim) bruto diçka e shkruar, por e paredaktuar, e pandrequr nga gabimet.
✱Sin.: i papërpunuar, i papunuar, i papastruar, i papërcaktuar, i paprovuar, i paredaktuar, i parregulluar, i pandrequr.
NDRÉQUR (i, e) mb. 1. Që i janë rregulluar pjesët e prishura a të dëmtuara; kund. i prishur, i pandrequr. Këpucë të ndrequra. Shtëpitë e ndrequra pas tërmetit.
2. Që i janë përmirësuar të metat e gabimet. Faqet e ndrequra. Teksti i ndrequr.
3. arb. Që është bërë gati, që është përgatitur. Edhe ju qofshit të ndrequr!
✱Sin.: i rregulluar, i meremetuar, i riparuar, i rregulluar, i ujdisur, i goditur, i përmirësuar, i pajtuar, i qortuar, i korrigjuar, i paqmë, i ribërë.
PAKORRIGJÚAR (i, e) mb. 1. I pandrequr; kund. i korrigjuar. Gabim i pakorrigjuar.
2. I kontrolluar, i qortuar. Teste të pakorrigjuara.
PANDRÉQUR (i, e) mb. 1. Që nuk i janë rregulluar pjesët e prishura a të dëmtuara, që nuk është ndrequr; kund. i ndrequr. Rrugë e pandrequr. Kompjuter (skaner, printer, fotokopjues) i pandrequr.
2. Që nuk i janë ndrequr gabimet e të metat (për diçka të shkruar). Faqe të pandrequra. Tekst i pandrequr.
PAPËRGATÍTUR (i, e) mb. 1. Që nuk është bërë gati për t’u përdorur, për t’u shfrytëzuar etj. (për një vegël, një mjet etj.); që nuk është gatuar ende (për një gjellë etj.); kund. i përgatitur. Vegla të papërgatitura. Drekë (darkë) e papërgatitur. Tokë e papërgatitur.
2. Që bëhet pa i marrë masat e nevojshme paraprake, që nuk është organizuar mirë (për një mbledhje, një aksion a një veprimtari tjetër); kund. i përgatitur. Mbledhje (mbrëmje) e papërgatitur. Shfaqje e papërgatitur.
3. Që nuk i ka bërë përgatitjet e nevojshme për diçka; që nuk ka mësuar ose nuk është stërvitur rregullisht për një punë a për një detyrë; që nuk e ka përgatitjen e nevojshme; kund. i përgatitur. Nxënës i papërgatitur. Ishin të papërgatitur për atë punë (ndeshje).
✱Sin.: i pagatitur, i pagatuar, i papërpunuar, i pandrequr, i parregulluar, i pamësuar, pastërvitur, i pashtruar, i pazoti, gjysmak.
PARREGULLÚAR (i, e) mb. Që nuk është i rregulluar, i pandrequr, i pariparuar. Shtëpi (mur, oborr) i parregulluar.
✱Sin.: i pandrequr, i pariparuar, i papunësuar, i pastrehuar.
PAUJDÍSUR (i, e) mb. Që nuk është i ujdisur; që nuk është ujdisur; i pandrequr, i parregulluar; i pastolisur; kund. i ujdisur.
✱Sin.: i paujdisëm, i pandrequr, i parregulluar, i papajtueshëm, i pastolisur, i pazbukuruar.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë