Fjalori

Rezultate në përkufizime për “pander”

Mëso si ta përdorësh
<<< Kthehu te kërkimi kryesor në fjalor

PAERZ

PAÉRZ (i, e) mb., krahin. I pander, i pandershëm, i pamoralshëm. Burrë i paerz.

PANAMUS

PANAMÚS (i, e) mb. Që nuk ka namus, i pander.
✱Sin.: i pander, i paturp.

PANDER

PANDÉR (i, e) mb. I pandershëm. E bukura e pander është si lulja e paerë. (fj. u.).

PANDERSHËM

PANDÉRSH/ËM (i), ~ME (e) mb. 1. Që e ka humbur nderin, që i është nxirë faqja; që sillet e vepron pa turp, prapa krahëve a me mënyra të ulëta, jo të ndershme; kund. i ndershëm. Njeri i pandershëm. Grua e pandershme.
2. Që bëhet në kundërshtim me normat e moralit ose me mënyra të ulëta, jo të pastra e jo të ndershme. Punë (vepër) e pandershme. Sjellje e pandershme. Me rrugë të pandershme.
✱Sin.: i pander, i çndershëm, i paturp, i pamoralshëm, i pamoral, amoral, i amoralshëm, imoral, turpemadh, i poshtër, i paskrupull, faqezi, faqenxirë, i pacipë, i ndotë, i pandamus, udhëzi, lakander, lapërdhar, i ulët, lastrok, levarash, lerash, sharlatan, maskara, faqerrogoz, brimadh, i shtrembër, delenxhi, zabërhan, udhëzi.

VEGËSHQYER

VEGËSHQÝER mb., bised. shar. Që është e shthurur moralisht, që nuk e ruan nderin a dinjitetin e vet si vajzë a si grua; e pander; bishtdredhur. Vajzë (grua) vegëshqyer.
✱Sin.: e përdalë, e pander, lavire, bishtdredhur, bishtpërdredhur, bishtlëshuar, qejfleshë, meçkë, molare.

VEGËSHQYER

VEGËSHQÝER,~A f. sh. ~A, ~AT bised., shar. Ajo që është e shthurur moralisht, që nuk e ruan nderin a dinjitetin e vet si vajzë a si grua, e pander; bishtdredhur. Ajo vegëshqyera nuk e ka përgjë turpin.
✱Sin.: bishtdredhur, bishtpërdredhur, bishtlëshuar, qejfleshë, meçkë, molare.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë