Fjalori

Rezultate në përkufizime për “pamoral”

Mëso si ta përdorësh
<<< Kthehu te kërkimi kryesor në fjalor

IMORAL

IMORÁL,~E mb. 1. Që sillet a vepron në kundërshtim me kërkesat e moralit, i pamoral, i pandershëm; kund. moral. Burrë (djalë, njeri) imoral. Grua imorale.
2. Që shkel kërkesat e moralit, që është në kundërshtim me moralin, që dëmton e prish moralin. Vepër (shfaqje) imorale. Sjellje imorale.
✱Sin.: i përdalë, i pamoralshëm, i degjeneruar.

PAMORAL

PAMORÁL (i, e) mb. I pamoralshëm. Politikan i pamoral. Njeri i pamoral.

PAMORALSHËM

PAMORÁLSH/ËM (i), ~ME (e) mb. 1. Që mohon e shkel çdo normë të moralit; i pandershëm; kund. i moralshëm. Burrë (djalë, njeri) i pamoralshëm. Vajzë (grua) e pamoralshme.
2. Që është në kundërshtim me normat e moralit, që bie ndesh me moralin shoqëror; kund. i moralshëm. Sjellje (vepër) e pamoralshme. Qëndrim i pamoralshëm.
✱Sin.: i pandershëm, i pamoral, i paskrupull, pavirtytshëm, lakander, lapërdhar, lastrok, lerash, levarash.

PANDERSHËM

PANDÉRSH/ËM (i), ~ME (e) mb. 1. Që e ka humbur nderin, që i është nxirë faqja; që sillet e vepron pa turp, prapa krahëve a me mënyra të ulëta, jo të ndershme; kund. i ndershëm. Njeri i pandershëm. Grua e pandershme.
2. Që bëhet në kundërshtim me normat e moralit ose me mënyra të ulëta, jo të pastra e jo të ndershme. Punë (vepër) e pandershme. Sjellje e pandershme. Me rrugë të pandershme.
✱Sin.: i pander, i çndershëm, i paturp, i pamoralshëm, i pamoral, amoral, i amoralshëm, imoral, turpemadh, i poshtër, i paskrupull, faqezi, faqenxirë, i pacipë, i ndotë, i pandamus, udhëzi, lakander, lapërdhar, i ulët, lastrok, levarash, lerash, sharlatan, maskara, faqerrogoz, brimadh, i shtrembër, delenxhi, zabërhan, udhëzi.

PËRFITUESE

PËRFITÚES/E,~JA f. sh. ~E, ~ET 1. Ajo që nxjerr një fitim nga një veprimtari a nga diçka tjetër, ajo që përfiton.
2. Ajo që shfrytëzon në mënyrë të padrejtë dikë a diçka për të nxjerrë fitime vetjake ose për të arritur qëllimet e synimet e veta. Përfituese e paskrupullt. Përfituese e pamoral.
3. Ajo që gëzon një të drejtë sipas një ligji, një vendimi etj. Përfitueset e ankandit (shorteut).
4. vjet. Fituese.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë