Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PABË́RË (i, e) mb. 1. Që nuk është bërë, që nuk ka ndodhur; kund. i bërë. E dënuan për një faj të pabërë. Ktheheshin duke shpikur një luftë të pabërë. Do t’i përgjigjem edhe pyetjes së pabërë. Shtëpi e pabërë. Analiza të pabëra.
2. Që nuk është pjekur, i paarrirë (për pemët e bimët); kund. i pjekur, i bërë. Mollë (kumbulla) të pabëra. Rrush i pabërë. Pambuk i pabërë. I këputi të pabëra. Nuk i ha të pabëra.
3. Që nuk është bërë i plotë; që nuk ka përfunduar një cikël ripërtëritjeje. Hënë e pabërë hënë që nuk është pesëmbëdhjetëditëshe.
✱Sin.: i papjekur, i paarrirë, i pakryer, i papërfunduar, i pambaruar, i pambyllur, i mbetur, i mbetshëm, i pangjarë, i pandërruar, i paorganizuar, i pasistemuar.
♦ *Rrush i pabërë (i papjekur) mospërf.
PAFÚND (i, e) mb. 1. Që nuk ka fund e anë, që s’ka as fillim as mbarim; që shtrihet shumë saqë nuk i duken kufijtë (për një hapësirë), i paanë. Hapësirë e pafund. Në qiellin e pafund. Botë e pafund.
2. Që është në sasi të pallogaritshme, që nuk ka të numëruar a të mbaruar; i shumtë. Varg i pafund njerëzish. Pasuri e pafund fjalësh.
3. Që zgjat shumë kohë, që s’ka mbarim; që vijon pa ndërprerje, i vazhdueshëm. Bisedë e pafund. Pritje e pafund.
4. fig. Që është shumë i fuqishëm, që shfaqet me forcë të madhe, i thellë e i qëndrueshëm, i pakufishëm (për një ndjenjë etj.). Dashuri (besnikëri) e pafund. Nderim i pafund. Gëzim i pafund. Kujdes i pafund.
✱Sin.: i paanë, i pakufi, i pakufishëm, i pakufizuar, i pacak, i pafundmë, i paskajshëm, i pasosur, i pamasë, i pamatur, i pamatshëm, i shumtë, i pambarim, i pambarueshëm, i pambaruar, i pashtershëm, i pallogaritshëm, i panumërt, i vazhdueshëm, i thellë.
PAKRÝER (i, e) mb. 1. I pambaruar, i papërfunduar; kund. i kryer. Punë e pakryer. Punim i pakryer. Detyrë e pakryer. Mbeti e pakryer. Koha e pakryer (gjuh.) kohë e shkuar e foljes, në të cilën folja tregon një veprim a gjendje të zgjatur që është në zhvillim e sipër në një çast të së shkuarës. Aspekti i pakryer (gjuh.) kategori gramatikore e foljeve në disa gjuhë, e cila e shpreh veprimin ose gjendjen të zgjatur a të përsëritur, pa ndonjë kufizim a pa ndonjë cak kohor; kund. aspekti i kryer.
2. drejt. Që nuk është bërë në kohën e duhur, që i ka kaluar afati i regjistrimit; kund. i kryer. Akt lindjeje (vdekjeje) i pakryer.
✱Sin.: i pambaruar, i papërfunduar, i paplotësuar.
PAMBARÚAR (i, e) mb. 1. Që nuk është mbaruar, që ka mbetur pa u përfunduar; që nuk është punuar deri në fund; kund. i mbaruar. Shtëpi (ndërtesë) e pambaruar.
2. Që është ndërprerë a është lënë përgjysmë, i papërfunduar; kund. i mbaruar. Arsim (i mesëm, i lartë) i pambaruar. Ndeshje e pambaruar.
3. I pambarim, i pafund, i pambarueshëm; kund. i mbaruar. Varg i pambaruar njerëzish. Biseda të pambaruara. Vuajtje të pambaruara. Burime (rezerva) të pambaruara.
✱Sin.: i pambarim, i papërfunduar, i pambaruar, i pafund, i ndërprerë.
PAPLOTËSÚAR (i, e) mb. 1. Që nuk është plotësuar tërësisht, i paplotë; kund. i plotësuar. Vend i paplotësuar. Shumë e paplotësuar.
2. Që nuk është mbushur me shkrim, i bardhë; kund. i plotësuar. Formular i paplotësuar. Skedë (kartelë) e paplotësuar.
3. Që nuk është zbatuar a kryer plotësisht; që nuk është çuar deri në fund, i pakryer; kund. i plotësuar. Detyrë e paplotësuar. Porosi e paplotësuar.
4. Që nuk është përmbushur; kund. i plotësuar, i përmbushur. Dëshirë e paplotësuar. Nevoja të paplotësuara.
✱Sin.: i paplotë, i bardhë, i pashkruar, i pakryer, i papërfunduar, i pambaruar, i pambushur, i pambyllur, i papërmbushur, i pazbatuar, i pajetësuar.
PAPËRFUNDSH/ËM (i), ~ME (e) mb. Që nuk është i përfundshëm; i papërfunduar, i pambaruar; kund. i përfundshëm.
PAPËRFUNDÚAR (i, e) mb. Që nuk është përfunduar, që nuk është çuar deri në fund; i pambaruar; kund. i përfunduar. Punë e papërfunduar. Ndërtime (objekte) të papërfunduara. Vepër (pikturë, tablo) e papërfunduar. Libër i papërfunduar.
✱Sin.: i papërfundshëm, i pambaruar, i pakryer, i pashtjelluar, i pazgjidhur, paraprak.
PARAPRÁK,~E mb. 1. Që bëhet me kohë për të qenë i gatshëm për një punë a për t’i dalë përpara diçkaje, por zakonisht nuk bëhet në mënyrë të thelluar; që është i nevojshëm për diçka të mëpastajme; përgatitor, parapërgatitor. Përgatitje (punë) paraprake. Masa paraprake. Paralajmërim paraprak. Kusht paraprak.
2. Që bëhet përpara diçkaje tjetër kryesore për të hetuar kushtet, rrethanat, gjendjen, prirjet etj., që bëhet si hap i parë për të arritur një qëllim dhe që duhet thelluar më tej. Bisedë paraprake. Hetim paraprak. Studim paraprak.
3. Që nuk ka marrë ende trajtën përfundimtare, që mund të ndryshohet a të lëvizë sipas rrethanave të mëvonshme; që nuk është përfundimtar, fillestar, jo e plotë. Të dhëna paraprake. Marrëveshje paraprake. Nga një vlerësim paraprak.
✱Sin.: parapërgatitor, përgatitor, i parë, fillestar, i papërfunduar, i pambaruar.
PASHTERÚAR (i, e) mb. I pashtershëm; kund. i shtruar. Lot i pashteruar.
✱Sin.: i pashterur, i pashtershëm, i pambaruar, i pambarueshëm.
PAZHVILLÚAR (i, e) mb. 1. Që nuk është rritur fare ose nuk është rritur mirë, që ka mbetur pa u zhvilluar (për një njeri a për trupin e tij, për një bimë etj.); kund. i zhvilluar. Fëmijë (fetus) i pazhvilluar. Me trup të pazhvilluar. Bimë e pazhvilluar.
2. Që nuk është i zhvilluar nga ana arsimore e kulturore, i paformuar; që është karakteristik për një njeri të tillë; kund. i zhvilluar. Njeri i pazhvilluar.
3. Që ka mbetur prapa, që s’është zhvilluar, i prapambetur (për një fushë të veprimtarisë, për një vend etj.); kund. i zhvilluar. Ekonomi (industri, bujqësi) e pazhvilluar. Vend (shtet) i pazhvilluar.
4. Që nuk është zbërthyer a nuk është zgjidhur; që s’është zhvilluar, që ka mbetur pa u kryer. Probleme (ushtrime) të pazhvilluara. Çështje e pazhvilluar.
✱Sin.: i paformuar, i parritur, i rrëgjak, rrëgjuar, i prapambetur, bukamel, shtatpaktë, i paktë, i hollë, i dobët, rakitik, i paarsimuar, i pakulturuar, i ulët, i egër, i pazgjidhur, i pambaruar, i pakryer, i papjekur, dështak.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë